Andoni Arrizabalaga

Wikipedia, Entziklopedia askea
Hona jauzi: nabigazioa, Bilatu
Andoni Arrizabalaga
Bizitza
Jaiotza Ondarroa1941eko abuztuaren 22a
Herrialdea  Bizkaia, Euskal Herria
Heriotza Mont Blanc1984ko uztailaren 31 (42 urte)
Jarduerak

Andoni Arrizabalaga Basterretxea (Ondarroa, Bizkaia, 1941eko abuztuaren 22a - Couloir Gervasutti, Mont Blanc, Frantzia, 1984ko uztailaren 31) etakide historikoa izan zen, Itziarren semea abestian aipatzen den torturatua delako ezaguna.

Bizitza[aldatu | aldatu iturburu kodea]

Hiru aldiz atxilotu zuten Francoren diktadura garaian. Aurreneko aldian, 1964an, pintaketa batzuk egiten atzeman zuten eta bere esanetan hiru egunez torturatu zuten Bilboko kuartelean.

Telesforo Monzónek idatzitako Itziarren semea abestian aipatutako torturak, ordea, bigarrenez atxilotu zutenean egin zizkioten Arrizabalagari, 1968an.[1] Ondarroan atxilotu eta gero, zortzi egunez torturatu zuten, lehenbizi Ondarroako bertako kuartelean, Zarauzkoan gero. Horren ostean Donostiako Antigua auzoan zegoen Guardia Zibilaren kuartelera eraman zuten, eta beste hamalau egun izan zuten han.

Burgosko prozesua baino 14 hilabete lehenago heriotzara kondenatua izan zen, molotov koktel bat hutsik zegoen Guardia Zibilaren kotxe batean sartzeagatik. Zigorra kommutatu zioten. Azkenik, 1977an amnistia eman zioten.

Kartzelatik irten ostean mendizaletasunari eutsi zion. 1984ko uztailaren 31n istripu batean zendu zen, Gerbasutti pasabidea eskalatzen ari zela, Mont Blanc mendian (Frantziako Alpeak). Berekin, 25 urteko Durangoko mutil bat, Txasio ezizena zuena, ere hil zen.

Erreferentziak[aldatu | aldatu iturburu kodea]

  1. Joseba Sarrionaindia: «Itziarren semea askatua», Argia, 739. zenbakia, 1977-05-22.

Kanpo loturak[aldatu | aldatu iturburu kodea]