Andrée de Jongh

Wikipedia, Entziklopedia askea
Andrée de Jongh

Bizitza
JaiotzaSchaerbeek1916ko azaroaren 30a
Herrialdea Belgika
HeriotzaBrusela2007ko urriaren 13a (90 urte)
Hobiratze lekuaSchaerbeek Cemetery (en) Itzuli
Familia
AitaFrédéric De Jongh
Jarduerak
Jarduerakerizaina eta Erresistentziaren kidea
Jasotako sariak
KidetzaComète sarea
Zerbitzu militarra
Parte hartutako gatazkakBigarren Mundu Gerra

Find a Grave: 49970671 Edit the value on Wikidata

Andrée Eugénie Adrienne de Jongh (Dédée) (Schaerbeek, Belgika, 1916ko azaroaren 30a - Brusela, Belgika, 2007ko urriaren 13a) belgikar erresistentziako erizaina izan zen, II. Mundu Gerran soldadu aliatuen iheserako Comète sarea antolatu zuena.

Biografia[aldatu | aldatu iturburu kodea]

Comète sarea[aldatu | aldatu iturburu kodea]

Frédéric de Jongh, eskola maisuaren eta Edith Cavell erizainaren alaba zen. Edith Alemaniako auzitegi batek hiltzera kondenatu zuen I. Mundu Gerran soldadu britainiarrei ihes egiten laguntzeagatik. Naziek Belgika inbaditu zutenean, 1940ko maiatzean, Andrée Bruselan jarri zen bizitzen, eta bere aitaren laguntzarekin, urtebete eman zuen preso hartutako soldadu aliatuen iheserako Comète sarea prestatzen.

1941eko abuztuan, britainiar kontsulatuan aurkeztu zen, Bilbon, soldadu britainiar batekin eta bi boluntario belgikarrekin batera. Trenez egin zuten  Parisetik Baionarainoko bidea, eta gero Pirinioak oinez zeharkatu zituzten. MI9ren babesa lortu zuen, ondoren Madrilgo kontsulatu britainiarrera iritsi eta handik Gibraltarrera. 400 militar aliatuk egin zuten ihes Belgikatik, horietako 118ri Andréek lagundu zien bidaia osoan.

Atxiloketa[aldatu | aldatu iturburu kodea]

Gestapok bere aita, Frédéric de Jongh, atxilotu zuen Parisen 1943ko ekainean eta exekutatu egin zuen. Sareko beste kide batzuk atxilotu zituzten, eta horietako 23 ere exekutatu zituzten. Andree, aldi berean, 1944ko urtarrilean harrapatu zuten, baina Comète sareak funtzionatzen jarraitu zuen, eta beste 400 presok lortu zuen ihes egitea .

Naziek, sareko burua Andree zela susmatu gabe, Fresnesko espetxean eduki ondoren, Ravensbrückeko kontzentrazio esparrura bidali zuten. Sobietar tropek askatu zuten 1945eko apirilaren 30ean.

Gerra ostea[aldatu | aldatu iturburu kodea]

Gerra ostean, erizain gisa egin zuen lan Kongo Belgikarrean, eta, gero, Etiopian, Adis Abebako legenardun gaixoentzako ospitalean. Erretiroa hartuta, Bruselan bizi izan zen azken urteetan.

Ohoreak[aldatu | aldatu iturburu kodea]

Hainbat kondekorazio jaso zituen, hala nola Ameriketako Estatu Batuetako Medal of Freedom eta Erresuma Batuko George Medal; gainera, Belgikan kondesa titulua eta armadako teniente koronel gradua jaso zituen.

Erreferentziak[aldatu | aldatu iturburu kodea]

  • Marie-Pierre d'Udekem d'Acoz, Andrée De Jongh. Une vie de résistante, Bruxelles, éditions Racine, 2016, 269 p.
  • Gubin, E., "De Jongh, Andrée dite Dédée (1916– )"; E. Gubin, C. Jacques, V. Piette & J. Puissant (eds), Dictionnaire des femmes belges: XIXe et XXe siècles. Bruxelles: Éditions Racine, 2006. ISBN 2-87386-434-6 (en francés)
  • Obituary in The Times, 15 October 2007

Ikus, baita ere[aldatu | aldatu iturburu kodea]

Kanpo estekak[aldatu | aldatu iturburu kodea]