Ansioko geltokia

Ansio
	Ansioko geltokiko sarrera.
	Kokapen mapa
Lineak
Kokapena
Helbidea	Serralta aldapa, 16; 48903
Udalerria	Barakaldo, Bizkaia
Geltokiaren datuak
Kodea	ANS
Gunea	2. gunea
Irekiera	2002ko apirilaren 13a
Bidaiariak	1.260.888 (2016)
Irisgarria
Zerbitzuak
Aldageltokia
Nasak	2
Trenbideak	2
Jabea	Euskal Trenbide Sarea ; Bizkaiko Garraio Partzuergoa
Eragilea	Metro Bilbao
Garraio zerbitzuak
Metroa	L2Basauri - Kabiezes
Bizkaibus	A3136 Bilbo - Barakaldo - Santurtzi
Kbus	1 Desertu - Lutxana ; 2 Errekatxo - Lasesarre
Bestelakoak	Taxi

43°17′22″N 2°59′13″W / 43.289581°N 2.987025°W

Ansio Bilboko metroaren 2. lineari dagokion lurpeko geltokia da, Barakaldoko Arteagabeitia-Zuazo barrutian kokatuta dagoena. 2002ko apirilaren 13an inauguratu zen, eta Bizkaiko Garraio Partzuergoaren 2. tarifa-gunean dago.

Bilbao Exhibition Centreren (BEC) ondoan kokatuta, azoka, kontzertu, ekitaldi eta partidak daudenean jendez betetzen da, bestela ez da oso erabilia. Geltokian Bizkaiko garraio publikoaren bezeroei arreta egiteko bulegoa dago.

Kokapena[aldatu | aldatu iturburu kodea]

Geltokia Barakaldoko Ansio zabalgunean dago, lehen Bizkaiko Labe Garaiak enpresaren fabrika bat kokatzen zen toki berean. Gaur egun Bilbao Exhibition Centre azoka, plaza bat, eta erabiltzen ez den autobus eta taxi geltokia dago.

Sarbideak[aldatu | aldatu iturburu kodea]

Geltokiak sarbide bakarra du, kaleko kotan, eta trenbideen gaineko bestibulura jotzen duena. Bestibulutik trenbideetara heltzeko eskailera mekaniko zein igogailuak daude.

Ansio kalea (BEC irteera)
BEC

Arkitektura[aldatu | aldatu iturburu kodea]

Antón Pagola eta Luis Uzcanga arkitektoek egindako geltokiak Sarrikoko geltokiaren antzeko itxura du. Lurrazpiko geltokia bada ere, sabaian duen kristalezko markesina bati esker, barnealdetik kanpoaldea ikus daiteke, eta argi naturala geltokiko nasetara heltzen da. Geltokiaren barruan galeria komertziala egiteko proposamena egin zen, eta nahiz eta lokalak eraiki ziren, proposamenak ez du inoiz aurrera egin. Aldiz, Peñotako eta Indautxuko geltokietan komertzio guneak gauzatu dira, eta Ansioko gune komertzialaren ordez Ansio gunea deritzon erabilera anitzeko espazioa sortu du Metro Bilbaok. Lokalak 580 metro koadroko azalera dauka eta aurkezpenak, ekitaldiak eta abar egiteko prestatuta dago.

Kanpoaldetik, estaldura hegan ari den kalatxori baten hegoetan oinarriturik dago. Geltokiak enparantza bat sortzen du, non autobus eta taxi geralekuak dauden.

Disuasio-aparkalekua[aldatu | aldatu iturburu kodea]

BEC sozietateak Bizkaiko Garraio Partzuergoarekin hitzarmena du Bilboko metroko erabiltzaileek Bilbao Exhibition Centreko aparkalekua disuasio-aparkaleku modura erabili ahal izateko. Hala, autoa utzi eta garraio publikoa erabiliz, hobaridun tarifa eskaitzen zaio bezeroari, hurrengo baldintzapenen barruan: bezeroak Creditrans sistemako garraio publikoren bat erabili behar du, autoa Bilboko metroko zerbitzu ordutegiaren barruan besterik ez da aparkatuta egongo, eta autoak ezin izango du 24 ordu baino gehiago aparkatuta egon.