Antony Matheus dos Santos

Antony Matheus dos Santos
	; Irudi gehiago
Bizitza
Jaiotzako izen-deiturak	Antony Matheus dos Santos
Jaiotza	Osasco, 2000ko otsailaren 24a (24 urte)
Herrialdea	Brasil
Lehen hizkuntza	Brasilgo portugesa
Hezkuntza
Hizkuntzak	Brasilgo portugesa
Jarduerak
Jarduerak	futbolaria
Ibilbidea
	Parte-hartzailea Futbola 2020ko Udako Olinpiar Jokoetan – Gizonezkoen txapelketa (1.) ;
Posizio edo espezialitatea	hegalekoa
Altuera	1,74 metro

Antony Matheus dos Santos,^[1] (Ocasco, Brasil, 2000ko otsailaren 24a), Antony izenez ezagunagoa, futbol jokalari brasildarra da. Eskuin hegaleko postuan jokatzen du, eta bere gaur egungo taldea Herbehereetako Amsterdamgo Ajax taldea da, Eredivisie-n jokatzen duena.^[2] Gainera, Brasilgo selekzio nazionalean ere jokatzen du.

Transfermarkt, futboleko merkatuaren azterketa oinarri duen web orrialdearen arabera, gaur egun bere balioa 35 milioi eurokoa da.

Ibilbidea[aldatu | aldatu iturburu kodea]

Ocascon jaioa, bere hiriko taldean, Grêmio Esportivo Osascoko harrobian jokatu zuen 2013 arte. Orduan, São Pauloko harrobira heldu zen.

São Paulo[aldatu | aldatu iturburu kodea]

2018ko irailaren 26an ofizialki lehen taldera igo ondoren, 2023. urterarteko kontratua sinatu zuen. Azaroaren 15ean, debuta egin zuen Grêmioren aurka. Bertan eman zuen urte eta erdian 37 partidu jokatu zituen.

Amsterdamgo Ajax[aldatu | aldatu iturburu kodea]

2020ko otsailaren 22an, Antonyk aurrekontratu bat sinatu zuen Amsterdamgo Ajax-ekin eta 5 urterako sinatu zuen. Herbehereetako taldeak 15,75 milioi euro ordaindu zituen brasildarra fitxatzeko, baita beste 5 ere hainbat helbururen baldintzarekin.

2020-2021[aldatu | aldatu iturburu kodea]

2020ko udan, Ajaxera iritsi zen, eta 2020ko irailaren 13an egin zuen debuta Sparta Rotterdam-en aurkako partiduan, non garaipenerako gola sartu zuen (0-1). Urriaren 27an, aldiz, UEFA Txapeldunen Ligan egin zuen debuta, 2-2 bukatu zen partidua. Denboraldi osoan 46 partidu jokatu zituen, 10 gol eta beste horrenbeste asistentziarekin lagunduz taldeari.

2021-2022[aldatu | aldatu iturburu kodea]

Bere bigarren denboraldian beste urrats bat eman zuen bere ibilbidean, eta taldean pisu handiagoa hartu zuen. Batez ere denboraldi hasieran Txapeldunen Ligan egin zituen partiduek, bere merkatuko balioa igotzea eta Europako talde nagusien interesa piztea ekarri zuen. Denboraldi erdian izan zuen lesio batek, ordea, etengabeko progresio hori eten zuen, eta denboraldi amaieran maila apalagoa izan zuen.

Halere, orokorrean zifra txukunak egin zituen, jokatu zituen 33 partiduetan 12 gol sartuz eta 10 asistentzia banatuz.

Estatistikak[aldatu | aldatu iturburu kodea]

2022ko ekainaren 15ean eguneratua.
Taldea	Herrialdea	Urteak	Partidua(k)	Gola(k)	Asistentzia(k)
São Paulo	Brasil	2019-2020	37	4	6
Ajax	Herbehereak	2020-	79	22	20

Selekzio nazionala[aldatu | aldatu iturburu kodea]

23 urtez azpiko selekzioan ibili eta gero, 2021eko urriaren 8an egin zuen debuta selekzio absolutuarekin. Ordutik 3 partidu jokatu ditu, eta gol bat sartu du.

2020ko Udako Olinpiar Jokoetan, Tokio 2020an (Tokio), esku hartu, eta urrezko domina eskuratu zuen futbolean Brasil ordezkatuz; Espainiako taldearen (zilarrezko domina) eta Mexikoko taldearen (brontzezko domina) aurretik sailkatu zen Brasilgo taldea.

Tokion, honako hauek osatzen zuten Brasilgo taldea: Santos, Gabriel Menino, Diego Carlos, Ricardo Graça, Douglas Luiz, Guilherme Arana, Paulinho, Bruno Guimarães, Matheus Cunha, Richarlison, Antony, Brenno, Dani Alves, Bruno Fuchs Nino, Abner, Malcom, Matheus Henrique, Reinier, Claudinho,Gabriel Martinelli eta Lucão-k.