Anuket

Wikipedia, Entziklopedia askea
Hona jauzi: nabigazioa, Bilatu
Anuket

Anuket (Anukis grezieraz), uraren jainkosa da, Niloren jainkosa, bereziki Asuaneko urjauziena, bereziki gurtua zen eskualdea, baita haragikeriaren jainkosa ere, egiptoar mitologian.

  • Izen egiptoarra: Anuket. Izen greziarra: Anukis.

Ikonografia[aldatu | aldatu iturburu kodea]

Papirozko zetru bat eta ankha zeramatzan lumazko koroa zilindriko bat zeraman emakumea. Bere animalia sakratua, gazela izan zen.

Mitologia[aldatu | aldatu iturburu kodea]

Nubiar jatorrikoa, "Nubiako gobernaria" zen eta "Estua" ezizena zuen arren, Niloren zintzurren antzera, haragikeriaren jainkosa izan zen, zelaiak emankortzen zituena uholde garaian. Garairen batzuetan, "Erregearen Ama" deitua izan zen, ama itxurarekin, erregeari titia ematen erakusten baitzen.

Anuketek, bere guraso Jnum eta Satisekin (batzuetan Satisen ahizpa bezala), Elefantinako hirukoa osatzen zuen Egiptoko Inperio Ertainaren garaitik, lehenago, Ra eguzki jainkoaren alaba bezala gurtzen zen arren.

Epitetoak[aldatu | aldatu iturburu kodea]

"Nubiako Gobernaria", Nebt Satet "Seheleko Anderea" Elefantinan eta "Estua" deitua izan zen.

Sinkretismoa[aldatu | aldatu iturburu kodea]

Isisekin identifikatzen zen Denderan eta File uhartean. Beranduagoko garaietan, Neftisekin identifikatua izan zen.

Gurtza[aldatu | aldatu iturburu kodea]

Elefantina, File, Komir, Deir el-Medinan eta ia Nubia osoan gurtua izan zen. Gurtza gune garrantzitsu bat, Sehel uhartean zegoen bere tenplua da. Bere jaia, Thot hilabeteko zazpigarren egunean ospatzen zen, Niloren goraldian: jendeak, ibaira, urrea, bitxiak eta objektu preziatuak botatzen zituen, bizi sorrarazle zen uragatik esker on bezala. Egun horietan, arrain zehatz batzuk jateko debekua eraginik gabe uzten zen, errituaren zati bezala jaten ziren arrainak.

Wikimedia Commonsen badira fitxategi gehiago, gai hau dutenak: Anuket Aldatu lotura Wikidatan