Apirileko Putscha
Apirileko Putscha 1919ko apirilaren 16an Liepājan gertatutako estatu-kolpe bat izan zen, Letonian. Putsch-a Letoniako Independentzia Gerraren testuinguruan eman zen, Franz Pfeffer von Salomon alemaniarra zuzendutako Baltische Landeswehrraren talde armatu batek Kārlis Ulmanis Presidentea boteretik kentzean. Kārlis Ulmanis, momentu hartara arte Letoniako Behin-behineko Gobernuaren agintaria, Britainiarrengana ihes egin zuen eta denbora batez haren aldekoei Saratov itsasontzitik aginduak eman zituen. Estatu-kolpea ondo atera bazen ere, eta Andrievs Niedra eta bere gobernu pro-Alemaniarra denbora batez boterean mantendu izan baziren ere, azken hauek herriaren aldekotasuna oso azkar galdu zuten, nagusiki herriak Niedra alemaniarren txotxongilo hutsa zela ikusten zuelako. Uztailerako, alemaniarrek Cēsiseko guduaren ondorioz Letonian izandako eragin guztia galdu ondoren, Niedraren gobernua erori zen eta Ulmanis berriz ere Presidente izendatu zuten.[1]
Putscharen ondorioz 1919ko apirilatik uztailera hiru gobernu ezberdin egon ziren: Niedrarena, Ulmanisena eta Boltxebikeen aldekoa, Pēteris Stučkaren aginpean. Lehenengo biek elkarren aurkako borrokak sahiesten saiatu izan bazuten ere, alemaniar eta letoniarren arteko gatazkak areagotu egin ziren, sobietarren aurkako ofentsiba denbora batez geldituz. [2]
Erreferentziak
[aldatu | aldatu iturburu kodea]- ↑ (Letonieraz) «Tautas padomes prezidija paziņojums Vācijas un sabiedroto valdībām sakarā ar 16.aprīļa puču un tā sekām (ne agrāk par 10.5.1919.)» Historia (kontsulta data: 2024-08-04).
- ↑ (Ingelesez) «The republic on the sea: The 1919 coup that exiled the Latvian government to a steamboat» eng.lsm.lv (kontsulta data: 2024-08-04).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q16351635