ArcelorMittal Sestao

Wikipedia, Entziklopedia askea
Jump to navigation Jump to search

Koordenatuak: 43° 18′ 54″ N, 3° 00′ 15″ W / 43.31500°N,3.00417°W / 43.31500; -3.00417

ArcelorMittal Sestao
Mota Sozietate anonimoa
Sektorea Siderurgia
Sorrera 1994
Egoitza Sestao
Merkatuak Espainia
Salmentak 589 milioi euro (2006)
Langileak 560
Webgunea http://www.arcelormittal.com/sestao/index.asp

Bizkaiko Altzairutegi Trinkoa edo ArcelorMittal Sestao (gaztelaniaz: ACB), Bizkaiko Sestao udalerrian dagoen altzairua lantzeko lantegi handia da.

Historia[aldatu | aldatu iturburu kodea]

Aurrekariak[aldatu | aldatu iturburu kodea]

Sakontzeko, irakurri: «Bizkaiko Labe Garaiak»

1882an "Altos Hornos y Fábrica de Hierro y Acero de Bilbao" elkartea sortu zuten. 1902ko apirilaren 29an abian ipini zituzten, lehen aipatutako "Altos Hornos...", "La Vizcaya" eta "La Iberia" elkarteek bat egin ondoren. 1996an bere aktibitatea amaitu zuen enpresak.

Lantegi berria[aldatu | aldatu iturburu kodea]

Lantegia Portugaletetik ikusia.
Lantegia Leioako Lamiako auzotik ikusia.

Bizkaiko Altzairutegi Trinkoa 1994an hasi zen lanean Bizkaiko Labe Garaiak ordezkatuz. Lantegiak erabiltzen duen lehengaia ontziek ACBren kaira ekarritako txatarra da. Txatarra, altzairutegiko labeak hornitzeko eta altzairua ekoizteko erabiltzen da.

Lantegiaren lehengaiak ACBren kaian kargatzen dituzte, Sestaoko udalerrian kokaturik. Bertan, burdin-hondakinez beteriko 100 metro inguruko luzera duten itsasontziak porturatzen, 2500 eta 4000 tona txatarra deskargatzeko gaitasunarekin. Lehengai hau, ACBren labeen erregaia izateaz gain, lantegiak ekoizten dituen altzairuzko produktuen lehengaia da.

Kaiak 750 metroko luzera eta 300.000m2-ko azalera dauka eta aldi berean lau itsasontzi egoteko toki nahikoa dago, tamainaren arabera betiere. Horrez gain, itsasontzien txatarra lantegian deskargatzeko lau garabia erabiltzen dira, kaian zehar perpendikularki antolaturiko errailetan zehar mugitzen direlarik.

Akziodunak[aldatu | aldatu iturburu kodea]

Altzairutegiko akziodun nagusia ArcelorMittal multinazionala da, akzioen %80 duelarik. Akziodun txikien artean Bilbao Bizkaia Kutxa eta Eusko Jaurlaritza daude.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]