Areatza (Bilbo)

Artikulu hau Bilboko inguruneari buruzkoa da; beste esanahietarako, ikus «Areatza (argipena)».

Areatza
auzo soziologikoa
Irudi gehiago
Administrazioa
Herrialdea	Euskal Herria
Probintzia	Bizkaia
Bizkaiko eskualdea	Bilboaldea
Udalerria	Bilbo
Geografia
Koordenatuak	43°15′51″N 2°55′27″W
Demografia

Areatza Bilboko hiribilduaren ingurune historiko bat da, Zazpi Kaleen aurreko partea Ibaizabal ibaiarekin mugan, aisialdirako eta paseorako gunea Bilboko itsasadarraren ondoan 19. mendetik. Areatzan aurkitzen diren punturik nabarmenenak dira 21. mendean Areatzako parkea (kioskoarekin), Arriaga antzokia, Areatzako pasealekua eta Areatzako zubia.

Historia eta geografia

Areatza, izenak esaten duen bezala, harea gunea izan zen, Zamudioko Ateraino barneratzen zen ibaiaren parte bat, agerian itsas-behera zenean. Hondartza baten antzekoa zen, itsasontzien geralekua eta ontziola batzuentzako tokia ere.

1483an, Kontzejuak Areatzara eta San Nikolaseko errebalera begira zegoen ibarrean hasi zuen hiribilduaren zabalgunea. Askao eta San Nikolas auzoak sortu ziren, gero Posta kalea eta Bidebarrieta kalea bilakatu ziren eremuetan. Ibaizabalen ibarrean 1513an kaia eraiki zen 600 egurrezko zutoinekin, eta 16. mendeko beste dokumentu batzuek bertan egiten ziren merkataritza forma desberdinak aipatzen dituzte, baina aldi berean inguru ireki gisa zaintzeko lanak hartu ziren.

1848an Areatzako zubia ireki zen.

Eraikin interesgarriak

Areatzan daude honako eraikin, eta leku nabarmenak:

• Areatzako parkea.
• Areatzako kioskoa.
• Areatzako estalpe edo tingladoak.
• Areatzako zubia.
• Udaletxeko zubia.
• San Nikolas eliza.
• Areatzako kaia.

• 
  Areatzako zubia eta parkea. Atzean San Nikolas eliza ageri da.
• 
  Areatzako parkea
• 
  Areatzako kioskoa.
• 
  Udaletxeko zubia.
• 
  Areatzako kaia.

Kanpo estekak

• Datuak: Q17519438
• Multimedia: El Arenal (Bilbao) / Q17519438