Arizkun

Arizkun
Baztan, Euskal Herria
Arizkungo ikuspegi orokorra
Kokapena
Herrialdea	Euskal Herria
Probintzia	Nafarroa Garaia
Udalerria	Baztan
Koordenatuak	43° 10′ 25″ N, 1° 29′ 06″ W
Altuera	278 m
Demografia
Biztanleria	566 (2.018)

Arizkun Nafarroa Garaiko herria da, Baztan bailaran dagoena. Lau auzo ditu: Aintzialde, Bozate, Ordoki eta Pertalats. Hauez gain, Otsanaiz, San Blas eta Bergarako etxe-multzoak eta Aritzakungo baserriak ere Arizkungo egiten dira. 2018eko urtarrilaren 1ean 566 biztanle zituen.

Demografia

Arizkungo biztanleria

2000	2001	2002	2003	2004	2005	2006	2007	2008	2009	2010	2011	2012	2013	2014	2015
644	644	656	650	627	622	638	632	631	629	610	612	588	589	577	579

Kultura

Zinema

Herri honetan egin zen Baztan filma (2012, Iñaki Elizalde); aktore nagusiak Unax Ugalde, Carmelo Gómez, Joseba Apaolaza, Ramon Agirre, Txema Blasco, Kandido Uranga, Mirentxu Goienetxe, Patxi Bengoetxea eta Felipe Saharrea izan ziren.

Bestak eta ospakizunak

Arizkungo Sagar Dantza. 2008.

• Inauteak hausterre asteazkenaren aintzineko egunetan ospatzen dira:
  • Ostegunean: egunttunttuna, haurren besta.
  • Igande eta astelehenean gazteak etxez etxe eskean ibiltzen dira.
  • Astearte goizean sagardantza dantzatzen da. Eguerdian Hartzak eta bere segizioak (Hartzazaina, damak, mozorroak, musikariak...) herria kurritzen dute.
• Arizkungo bestak ekainaren 24an ospatzen dira, San Joanetan.

Ondasun nabarmenak

• Aingeruen Andre Maria monasterioa, 1737an eraikia, Arizkungo herrigunean.
• Bergara dorrea, XIV-XV. mendeen artean eraikia.
• Erratzuriz, Errazuriz indiano familiaren baserria eta Pello Salabururen jaiotetxea.
• Gamioxarrea dolarea
• Gorrienea, Bozate; Santxotena Museoa dagoen eraikina da.
• Iturraldea, herrigunean.
• Lamiarrita, Bozate eta Arizkun arteko bidegurutzean.
• San Joan Bataiatzailearen eliza, Arizkungo herrigunean.
• Santxotena Museoa, Xabier Santxotena bozatear-arizkundar eskulturgilearen museoa da, Bozate auzoan.
• Señorío de Ursua hotela, Ordoki auzoan.
• Urtsua jauregia, Erdi Aroko dorretxea. Pedro Urtsua (1520-1561) arizkundar konkistatzaile eta militarraren jaiotetxea izan zen; Lope Agirre gipuzkoar abenturazalearen El Dorado kondairazko hirirako espedizioan parte hartu eta bertan hil zuten.

Arizkundar ospetsuak

• Pedro Urtsua (1520-1561), konkistatzaile eta militarra.
• Martin Urtsua (1653-1715), konkistatzaile eta militarra.
• Juan Goienetxe Gaston (1656-1735), argitaratzaile, kazetari eta politikaria.
• Juan Bautista Iturralde (1674-1741), negozio gizon eta politikaria.
• Frantzisko Laphitz (1832-1905), apaiz eta euskal idazlea.
• Damaso Legaz Laurenzena (1838-1902), apaiz eta euskal idazlea.
• Jesus Ioldi Bereau (1894-1936), kimikari eta politikaria.
• Pello Salaburu (1951-), idazle, irakasle eta euskaltzaina, bai eta EHUko errektore ohia ere.

Argazki galeria

• 

  Arizkungo herriguneko etxea.

• 

  Arizkungo karrika.

• 

  Arizkungo ikuspegi orokorra.

• 

  Aingeruen Andre Maria monasterioa.

• 

  San Joan Bataiatzailearen eliza

• 

  Urtsua jauregia.

• 

  Bergara dorrea

Kanpo estekak

Euskarazko Wikipedian bada atari bat, gai hau duena: Nafarroa

• (Gaztelaniaz) Udal webgunean Arizkun

• Datuak: Q2861457
• Multimedia: Arizkun