Armando Diaz

Wikipedia, Entziklopedia askea
Jump to navigation Jump to search
Armando Diaz
Armando Diaz.jpg
minister of War of the Kingdom of Italy Itzuli

1922-10-31 - 1924-04-30
Marcello Soleri - Antonino Di Giorgio
Bizitza
Izen osoa Armando Diaz
Jaiotza Napoli1861eko abenduaren  5a
Herrialdea  Italiako Erresuma
Heriotza Erroma1928ko otsailaren  29a (66 urte)
Hezkuntza
Hizkuntzak italiera
Jarduerak
Jarduerak gudaria eta politikaria
Jasotako sariak
Zerbitzu militarra
Adar militarra Royal Italian Army Itzuli
Gradua jeneral
Parte hartutako gatazkak Italia-Turkia Gerra
Italiako Frontea Lehen Mundu Gerran
Battle of the Piave River Itzuli
Battle of Vittorio Veneto Itzuli
Lehen Mundu Gerra
Sinesmenak eta ideologia
Alderdi politikoa Politikari independente

Armando Diaz (Napoli, 1861eko abenduaren 5a - Erroma, 1928ko otsailaren 29a) espainiar jatorriko jeneral eta mariskal italiarra izan zen. Italiako armadan, komandante izan zen Italia-Turkia Gerran (1911-1912) eta Estatu Nagusiaren parte bilakatu zen Luigi Cadornaren agintepean Lehen Mundu Gerraren hasieraren ondoren, 1914ko abuztuan. Aurrerago, Cadornaren porroten ondorioz Italiako armaden agintari nagusia bihurtu zen eta Piave Ibaiko guduan garaipen erraldoi bat lortu zuen, eta geroago emaitza bera izango zuen Vittorio Venetoko guduan Italiar Fronteari amaiera eman zion. Ekintza gogangarri hauengatik Lehen Mundu Gerrako jeneralik onenetakoen taldean sartzen zaio.

Lehenengo urteak[aldatu | aldatu iturburu kodea]

Napoli-n jaio zen, espainiar eta italiar odola zuen familia batean. Lodovico Diazen, itsas armadaren jeneral bat, eta Irene Cecconiren semea zen. Armando Diazek Napoliko Eskola Militarrean hasi zituen ikasketak Turingo Akademia Militarrera mugitu baino lehen, non artilleriako ofizial titulua jaso zuen, 1884an. Garai hartako Diazen deskripzio pertsonala hala idatzi zuen kazetari batek: "Erdiko gorpuzkerakoa, azal ilundua, ile beltza grisa bihurtzekotan eta begietan distira txiki bat...Soldadu gisa disziplina handikoa zen, eta arau zorrotzak ezartzen zien bere soldaduei, bera ere bete behar zituena. Normalean lasaia.[1]

Karrera Militarra[aldatu | aldatu iturburu kodea]

Hasieran 10. Artilleria Erregimenduan parte hartu zuen, baina 1890an, Kapitain titulua jaso zuenean, 1. Artilleria Erregimendura aldatu zuten. 1894an Gerra Eskolan ikasketak egiten egon zen eta ikastaro guztiak klaseko lehena izaten bukatzen zituen. Amaitu eta gero Alberto Pollio jeneralaren aginpean jarri zen.

1899an igoera bat jaso zuen Infanteria Jeneral mailara eta 26. Infanteria Erregimentuaren Batailoi bat agindu zuen

1905ean Lotinante Jeneral titulua jaso zuen eta 1910ean Italio-Turkiar Gerran parte hartu zuen. 1912an Zanzuren, Libian borrokatzen, zauritua izan zen baina azkar sendatu zen. [2]

Lehen Mundu Gerra[aldatu | aldatu iturburu kodea]

Lehen Mundu Gerra hasi zenean Luigi Cadornaren aginpean geratu zen unitateen operazioen agintari gisa. 1916ko ekainan 2 izarreko jeneral maila jaso zuen eta 49. dibisioa eta 23. armada gorputzak agindu zituen hurrenez hurren.

Caporettoko gudua porrot erraldoi bat izan zen italiar armadarentzan eta honengatik 1917ko azaroaren 8an Luigi Cadorna jenerala ordezkatzeko agindua jaso zuen. Monte Grappan birrantolatu zuen geratzen zen italiar armada eta defentsa latza egin zuen han. 1918ko udan Piave ibaiko guduan garaipen handia izan zuen eta aurrerago 1,4 milioi italiar soldadu zuzendu zituen Vittorio Venetoko guduan, Italiar Frontearen azken gudua. Bere Bolletino della Victoriarekin (Garaipenaren aitorpena) famatua egin zen; aitorpen honekin gerraren amaieraren berria eman zuen

Gerraostea[aldatu | aldatu iturburu kodea]

1921eko azaroaren 1ean Kansas Cityra joan zen Askatasunaren Memoriala inauguratzeko,

Gerraostean Diaz senatari titulua jaso zuen eta 1921ean Viktor Emanuel III Erregeak Duce della Vittoria noblezia-titulua eman zion. Benito Mussolinik Gerra Ministro bihurtu zuen Diaz eta Mariskal titulua eman zion. 1928an Erroman hil zen. Bi ume izan zituen.

Erreferentziak[aldatu | aldatu iturburu kodea]

  1. Zook, George F.; Halsey, Francis Whiting (1920-07) «The Literary Digest History of the World War, compiled from Original and Contemporary Sources: American, British, French, German, and Others» The American Historical Review (4): 720 doi:10.2307/1834946 ISSN 0002-8762 . Noiz kontsultatua: 2019-07-14.
  2. «La Stampa - Consultazione Archivio» www.archiviolastampa.it . Noiz kontsultatua: 2019-07-14.