Armando Manzanero

Armando Manzanero
	; Irudi gehiago
Bizitza
Jaiotzako izen-deiturak	Armando Manzanero Canché
Jaiotza	Ticul (udalerria), 1935eko abenduaren 7a
Herrialdea	Mexiko
Heriotza	Mexiko Hiria, 2020ko abenduaren 28a (85 urte)
Heriotza modua	berezko heriotza: COVID-19a
Hezkuntza
Hizkuntzak	gaztelania
Jarduerak
Jarduerak	musikagilea, abeslaria, piano-jotzailea, aktorea, disko-ekoizlea, egile abeslaria eta musikaria
Jasotako sariak	ikusi Karrera artistikoari Grammy saria (2014) ; Latin Grammy Award for Best Pop Album by a Duo or Group with Vocals (2001) : Duetos (en) ; Latin Grammy Lifetime Achievement Award (2014) ; Billboard Latin Music Hall of Fame (2003) ; Lo Nuestro Excellence Award (1993) ; International Latin Music Hall of Fame (2000) ; Latin Songwriters Hall of Fame (2013) ; Billboard Latin Music Lifetime Achievement Award (2020) ; ASCAP Latin Heritage Award (2010) ;
Genero artistikoa	Latinoamerikako musika; balada; Boleroa
Musika instrumentua	pianoa; ahotsa; akordeoia
Diskoetxea	RCA Records; RCA Victor

Armando Manzanero Canché (Merida, Mexiko, 1935eko abenduaren 7a - Mexiko Hiria, 2020ko abenduaren 28a) abeslari, musikagile eta aktore mexikarra izan zen.

Biografia[aldatu | aldatu iturburu kodea]

8 urterekin bere sorterriko Arte Ederretako eskolan musika ikasten hasi zen eta Mexiko Hiriaan bukatu zituen. 1950an bere lehenengo melodia konposatu zuen, Nunca en el mundo izenekoa. Ondorengo urtean piano-jole profesional bezala hasi zen eta sei urte geroago CBS Internacional diskoetxeko filialaren musika-zuzendari bezala lan egiten hasi zen. Pixkat geroago Pedro Vargas, Lucho Gatica eta Raphaelen piano-jolea bihurtu zen.

1962an Abestiaren Jaialdiko bosgarren postua lortu zuen Mexikon. 1965ean Abestiaren Jaialdia irabazi zuen Miamin Cuando estoy contigo abestiarekin. 1967an, RCA Victor diskoetxeko filialaren exekutibo batek animatuta, bere abestiekin konposatu zuen bere lehenengo diskoa grabatu zuen. 1970ean Somos novios abestia ingelesera itzulia izan zen. Estatu Batuetako gorte batek plagioaz akusatu zuen It's imposible abestiarengatik eta abesti horrekin irabazitako diru guztia itzuli behar izan zuen. 1978an Mallorcako Jaialdiko lehenengo postua lortu zuen Señor Amor abestiarekin. 1982an, Corazón amigo abestiari ohoreak egin zizkioten Yamaha Jaialdian. 1993an Billboard aldizkariak bikaintasunari saria eman zion bere jarduera artistikoagatik.

Frank Sinatra, Tony Bennett, Elvis Presley, Frank Pourcel, Paul Mauriat, Ray Conniff, Manoella Torres, Marco Antonio Muñiz, Edith Márquez, Raphael, Moncho, José José, El Tri, Andrea Bocelli, Andrés Calamaro, Christina Aguilera, Pasión Vega eta Luis Miguel artistek, besteak beste, bere abestietako batzuk abestu dituzte.

Armando Manzanerok 400 abesti baino gehiago konposatu zituen. Horietatik 50 baino gehiagok nazioartean ezagunak izan dira. Gainera hainbat irratsaio eta telesaiotan parte hartu zuen, 30 disko baino gehiago grabatu zituen eta hainbat filmei musika jarri zien.

Bere abestirik ospetsuenak hauek dira: Voy a apagar la luz, Contigo aprendí, Adoro, Esta tarde vi llover, Por debajo de la mesa, Somos novios eta Felicidad.