Arratzua

Wikipedia, Entziklopedia askea
Jump to navigation Jump to search

Arratzua[1] Arabako udalerri ohi bat da, Ubarrundiarekin batera 1920ko hamarkadan Arratzua-Ubarrundia osatu zuena.

Izena[aldatu | aldatu iturburu kodea]

Arratzua izenaren amaierako –a artikulua da, eta deklinatzean honela egin behar da: Arratzua, Arratzuarekin, Arratzuan...; baina Arratzuko, Arratzutik, Arratzura... Era berean, izen honek bere azken –a galtzen du ondoan beste determinatzaile bat edo adjektiboa daramanean; adibidez: Arratzu maitea, Arratzu osoan, gure Arratzu hau...[1]

Osaera[aldatu | aldatu iturburu kodea]

Bost herrik osatzen zuten, bi kuadrillatan banatuta: Goikoa (Arroiabe, Mendibil, Dura) eta Behekoa (Arzubiaga eta Zurbao), baita Eskalmendiko errota ere. Gasteizko udalerrian dauden Lubinao eta Uribarri Arratzua herriek ere historikoki zerikusia izan dute Arratzurekin.

Arratzuak 15,5 km² zituen. Ubarrundiarekin bateratzean, 550 bizilagun zituen.

Historia[aldatu | aldatu iturburu kodea]

Herriaren izena lehenengoz 934ko dokumentu batean ageri da, Harhazua formarekin. Erdi Aroan, aipatu bost herriek izen bereko ermandadea sortu zuten, berritze administratiboekin udalerri bihurtu zena. Mendozako kuadrillako nahiz Infantadoko dukearen menpean egon zen. Ermandadearen Batzarrak eta artxibategia Arzubiagan ziren. Komuneroen gerran zein Gerra Karlistetan borrokaldien leku izan zen.

Erreferentziak[aldatu | aldatu iturburu kodea]

  1. a b Euskaltzaindia: 150. araua: Arabako herri izendegia.


Geografia
Araba
Artikulu hau Arabako geografiari buruzko zirriborroa da. Wikipedia lagun dezakezu edukia osatuz.