Arroz chaufa

Arroz chaufa
	arroz frijitu
Materialak	arroza ; oilasko-haragia ; oilo-arrautza ; dark soy sauce (en)
Historia
Jatorrizko herrialdea	Peru

Arroz chaufa edo chaufa^[1] Perun jaten den txinatar sukaldaritzako arroz frijitu plater bat da. Chaufa egiten duen sukaldariari chaufero esaten zaio.

Izena eta historia

Chaufa izena kantonerazko Cháau Faahn izenetik dator eta "arroz frijitua" esan nahi du.^[2] Perutar eta txinatar gastronomien fusioari chifa gastronomia esaten zaio.

XIX. mendeko txinatar inmigrazioak eraman zuen arroz frijitua Perura. Gehienak Guangdong (Kanton) probintziakoak ziren eta erdi-esklabutzan bizi ziren. Jatetxeetako soberakinekin arroz chaufa prestatzen zuten. Aurkitru den lehenengo erreferentzia 1935ekoa da, Oriental aldizkarian agertzen da.^[2]

Osagaiak eta prestaketa

Arroz frijituari barazkiak, normalean tipuleta, arrautzak eta oilaskoa gehitzen zaizkio eta tenperatura altuan kozinatzen da wok batean, soja-saltsa eta olioarekin.^[3]

Batzuetan tipuletaren ordez kinoa edota gari aleak erabiltzen dira.^[4] Zezina ere gehitu ahal zaio, arraina, eta banana gozoa ere bai, izan ere aprobetxamenduzko platera baita.

Arroz chaufa txinatar babarrunarekin elkartzean "aeropuerto" izeneko platera sortzen da.^[5]