Arshad Nadeem
| Arshad Nadeem | |||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) (2023) | |||||||||||||||||||||||||||||||||||||||
| Bizitza | |||||||||||||||||||||||||||||||||||||||
| Jaiotza | Khanewal (en)  , 1997ko urtarrilaren 2a (28 urte) | ||||||||||||||||||||||||||||||||||||||
| Herrialdea |  Pakistan | ||||||||||||||||||||||||||||||||||||||
| Hezkuntza | |||||||||||||||||||||||||||||||||||||||
| Hizkuntzak | Punjabera urdua | ||||||||||||||||||||||||||||||||||||||
| Jarduerak | |||||||||||||||||||||||||||||||||||||||
| Jarduerak | atleta | ||||||||||||||||||||||||||||||||||||||
| |||||||||||||||||||||||||||||||||||||||
| Altuera | 1,87 metro | ||||||||||||||||||||||||||||||||||||||
    | |||||||||||||||||||||||||||||||||||||||
Arshad Nadeem (urduz: ارشد ندیم, Mian Channu, Punjab, 1997ko urtarrilaren 2a) xabalina jaurtitzaile pakistandarra da. 2024ko Udako Olinpiar Jokoetan urrezko domina eskuratu zuen eta errekor olinpikoa ezarri zuen.[1]
Kirol ibilbidea
[aldatu | aldatu iturburu kodea]Eskolan dagoeneko erakutsi zuen kirolari ona zela kirol oso desberdinetan, adibidez kriketean, badmintonean eta futbolean. Bereziki kriketaren oso zalea zen. Zazpigarren mailan zegoela Rasheed Ahmad Saqik ikusi zuen atletismoa praktikatzen eta ordutik haren entrenatzaile bihurtu zen. Hasieran disko eta pisu jaurtiketan hasi zen eta Punjabeko atletismo txapelketan urrezko dominak irabazi zituen. Aitak xabalina jaurtitzera animatu zuen orduan.[2]
2016an World Athletics erakundeak Maurizion duen entrenamendu zentruan entrenatzeko aukeratu zuen. 2019ko Hegoaldeko Asiako Jokoetan txapelduna izan zen Joko horietako marka historikoa berria ezarriz, 86.29 m. 2020ko Tokioko Olinpiar Jokoetan hartu zuen parte eta bosgarren amaitu zuen[3]. Final bat jokatzen zuen lehen atleta pakistandarra izan zen.[2]
2022an Commonwealth Jokoetako errekorra[4] eta Islamiar Elkartasuneko Jokoetako errekorra ezarri zituen[5] eta 2023ko Munduko txapelketan zilarrezko domina eskuratu zuen Neeraj Chopra indiarraren atzetik. Pakistandar atleta batek Munduko txapelketan lortzen zuen lehen domina zen[6]. 2024ko Udako Olinpiar Jokoetan bien arteko lehia betean pakistandarra nagusitu zitzaion indiarrari. Errekor olinpikoa ezarri zuen gainera, 92,97 m.[1]
Nazioarteko palmaresa
[aldatu | aldatu iturburu kodea]| Joko Olinpikoak | ||||
|---|---|---|---|---|
| Urtea | Lekua | Domina | Proba | Marka |
| 2020 | Tokio ( Japonia)
|
5.a | xabalina jaurtiketa | 84.62 m |
| 2024 | Paris ( Frantzia)
|
|
xabalina jaurtiketa | 92.97 m |
| Munduko txapelketak | ||||
| Urtea | Lekua | Domina | Proba | Marka |
| 2023 | Budapest  Hungaria
|
|
xabalina jaurtiketa | 87.82 m |
| Commonwealth Jokoak | ||||
| Urtea | Lekua | Domina | Proba | Marka |
| 2022 | Birmingham  Erresuma Batua
|
|
xabalina jaurtiketa | 90.18 m |
| Asiako Jokoak | ||||
| Urtea | Lekua | Domina | Proba | Marka |
| 2018 | Jakarta ( Indonesia)
|
|
xabalina jaurtiketa | 80.75 m |
| Islamiar Elkartasun Jokoak | ||||
| Urtea | Lekua | Domina | Proba | Marka |
| 2022 | Konya ( Turkia)
|
|
xabalina jaurtiketa | 88.55 m |
Marka onena
[aldatu | aldatu iturburu kodea]- Xabalina jaurtiketa: 92.97 (Paris, 2024) Errekor olinpikoa
Erreferentziak
[aldatu | aldatu iturburu kodea]- ↑ a b (Ingelesez) Adil, Kevin Hand,Hafsa. «Record-breaking Arshad Nadeem ends Pakistan’s 32-year Olympic medal drought» Al Jazeera (kontsulta data: 2024-09-09).
- ↑ a b (Ingelesez) «Olympic finalist Arshad Nadeem did not even have a ground to practice, claims father» www.geo.tv (kontsulta data: 2024-09-09).
- ↑ (Ingelesez) «Tokyo Olympics: Pakistan’s Arshad Nadeem misses out on medal but wins nation over» www.geo.tv (kontsulta data: 2024-09-09).
- ↑ (Ingelesez) Arshad Nadeem Won Gold Medal, Made History At Commonwealth Games 2022. 2022-08-07 (kontsulta data: 2024-09-09).
- ↑ (Ingelesez) Arshad Nadeem Bags Another Gold At 2022 Islamic Games In Konya. 2022-08-12 (kontsulta data: 2024-09-09).
- ↑ (Ingelesez) «Arshad Nadeem wins silver medal for Pakistan at World Athletics Championship» www.thenews.com.pk (kontsulta data: 2024-09-09).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q30902787
Multimedia: Arshad Nadeem / Q30902787