Artzainen gurtza (Grekoa)

Artzainen gurtza (Grekoa)
	Irudi gehiago
Jatorria
Sortzailea(k)	Grekoa
Sorrera-urtea	1612
Izenburua	The Adoration of the Shepherds
Mugimendua	manierismoa
Jatorrizko herrialdea	Espainia
Ezaugarriak
Materiala(k)	olio-pintura eta Margo-oihala
Dimentsioak	319 () × 180 () cm ;
Genero artistikoa	arte sakroa
Egile-eskubideak	jabari publiko
Deskribapena
Oinarritua	Artzainen gurtza
Iconclass	73B25(+3) eta 31A41
Kokapena
Lekua	Pradoko Museoa
Bilduma	Pradoko Museoa
Inbentarioa	P002988
Argumentu nagusia	Artzainen gurtza

Artzainen gurtza (gaztelaniaz: Adoración de los pastores) Doménikos Theotokópoulos "Grekoak" 1612-1614 inguruan egindako margolana da. Olio mihise gaineko teknika erabili zuen oso ohikoa zen gaia azltzeko. Lanaren hasierako kokapena familia-panteoia izan zen, Toledoko Santo Domingo el Antiguo monasterioan; ondoren monasterioko aldare nagusian kokatu zuten. 1954an estatuak erosi zuen eta geroztik Pradoko museoan erakusten da.^[1]

Gaia

Grekoak Artzainen Gurtzaren gaiari heldu zion behin baino gehiagotan, eta horrek espainiar gustua eta Elizaren doktrina ez ezik, bere fede pertsonala ere islatzen du. Ildo horretan, Luis Tristánek, Grekoaren laguntzailea, komentatu zuen bere maisua mihise horretan lanean aritu zela hil zen arte, hau da, 1614 arte, familiaren panteoiko erretaulan ager zedin.

Deskribapena

Margolan handia da: 319 x 180 zm. Bai konposizioa, bai elementu batzuk, aurreko lanetan ikusten dira. Horrela, irudiek serpentina forma dute, eta horrek goranzko itxura ematen die. Jesus Haurra distiraz eta zuritasunez bilduta agertzen da, pertsonaien aurpegietan jolasten den argi bat jaulkiz.

Mihise honetan aipagarriena — eta baita ere Grekoaren ekoizpen berantiarrean — aurreko etapetan era inplizituan agertzen ziren hainbat ezaugarriren nabarmentzea da:^[2]

zeruko esferaren eta lurreko esferaren arteko fusioa
pertsonaien isolamendu espirituala — ia harkaitzen gainean flotatzen dutela ematen du —
lehen terminoko irudien erraldoitasuna
eskala-jauzi handiak
kolore-masen talka
kolore distiratsuek eta ezohiko forma eta jarrerek edertasun eta estasi sentsazioa sortzen dute^[3]
argiaren eta gune ilunen arteko kontraste handiek gertakariaren zentzu mistikoa nabarmentzen dute.

Erreferentziak

↑ https://www.wga.hu/frames-e.html?/html/g/greco_el/21/2108grec.html
↑ Álvarez Lopera, José (2014). El Greco. La obra esencial. Madril: Sílex. ISBN 978-84-7737-860-0. 262. or.
↑ https://www.britannica.com/biography/El-Greco

Kanpo estekak

(Gaztelaniaz): Artzainen gurtza Pradoko Museoaren webgunean.

Datuak: Q1114913
Multimedia: The Adoration of the Shepherds by El Greco (Museo del Prado) / Q1114913

[1] ttps://www.wga.hu/frames-e.html?/html/g/greco_el/21/2108grec.html

[2] Álvarez Lopera, José (2014). El Greco. La obra esencial. Madril: Sílex. ISBN 978-84-7737-860-0. 262. or.

[3] ttps://www.britannica.com/biography/El-Greco

[1]

[2]

[3]