Associated Press

Wikipedia(e)tik
Hona jo: nabigazioa, Bilatu
Associated Pressen logotipoa

The Associated Press edo AP Estatu Batuetako berri-agentzia bat da, 1846an sortua. Kooperatiba bat da, eta haren zerbitzuak eta materialak erabiltzen dituzten egunkari, irrati eta telebistak dira jabeak. Estatu Batuetatik kanpo, komunikabide askok ordaindu egiten dute APren zerbitzuak erabiltzeagatik, baina ez dira kooperatibako kideak.

Agentziak bost hizkuntzatan zabaltzen ditu berriak: ingelesa, alemana, nederlandera, frantsesa eta gaztelania.

2005ean, APren berriak mundu osoko 1.700 egunkaritan eta 5.000 irrati eta telebistatan erabiltzen ziren. Agentziak 243 bulego ditu, eta 3.400 bat langile; 121 herrialdetara iristen da. Egoitza nagusia New Yorken dago. Agentziak 49 aldiz irabazi du Pulitzer saria.

1993an United Press International berri-agentziak porrot egin ondoren, AP da Estatu Batuetan egoitza nagusia duen berri-agentzia bakarra. Haren lehiakide batzuek (Reuters, Efe, France-Presse) ingelesez argitaratzen dituzte berriak, baina ez dira estatubatuarrak.

Kanpo-loturak[aldatu | aldatu iturburu kodea]

Commonsen badira fitxategi gehiago, gai hau dutenak: Associated Press Aldatu lotura Wikidatan