Atari honetan, Euskal Wikilarien Kultura Elkarteak sortutako ikas-egoerak biltzen dira. Ikas-egoera horiek Talaios Kooperatibaren bidez eta Mondragon Unibertsitateko Humanitate eta Hezkuntza Zientzien Fakultatearen (HUHEZI) aholkularitzarekin egin dira. Gure helburua 2024-2027 tartean bederatzi ikas-egoera diseinatzea da. Ikas-egoera horiek Derrigorrezko Bigarren Hezkuntzako lehen eta bigarren zikloetarako izango dira. Lehen ziklorako lau ikas-egoera egongo dira eta bigarren ziklorako, bost. Horietan landuko diren konpetentzien artean, konpetentzia digitalaren lanketa bermatuko da diseinuan. Horren ildotik, Wikipedia edo Txikipedia bezalako tresna parte-hartzaileen erabilera eta bertako ekoizpenak sustatuko dira, beharrezko baliabide, errubrika eta ideia gehigarri guztiekin.

Zure ikastetxean ikas-egoerak landu nahi badituzu, idatzi mezu bat hezkuntzawikimedia.eus helbidera, eta zurekin harremanetan jarriko gara.

Lehen zikloa

Gelako geografia-aniztasuna Wikipedian lantzen

🕑 DBH 1-2

Gelako ikasleen jatorria lantzeko ikas-egoera.

Erronka digitalak

🕑 DBH 2 (3)

Digitalizaziorako eredu alternatiboak irudikatzen.

Bigarren zikloa

Emakumeak Wikipediara ekartzen

🕑 DBH 3-4

Wikipedian emakumeen biografia kopurua handitu eta genero-orekari buruz hausnartzeko ikas-egoera.

Inguruko landareak dokumentatzen

🕑 DBH 4

Landare itsutasuna eta bioaniztasuna bideo bidez lantzeko proposamena.

Gure herriko eraikinak

🕑 DBH 3

Gure herri, hiri edo auzoko eraikinak eta ondarea dokumentatzeko ikas-egoera.

Bideojokoen mundua barneratzen

🕑 DBH 4

Bideojokoak eta hezkuntza bateratzeko proposamena.