Auerstedteko gudua

Auerstedteko gudua
	Laugarren Koalizioko Gerra
	Davout mariskalaren marrazkia
Data	1806ko urriaren 14
Lekua	Auerstadt, Alemania
Koordenatuak	51°05′58″N 11°35′15″E / 51.0994°N 11.5875°E
Emaitza	Frantziar garaipen erabakigarria
Gudulariak
Frantzia	Prusiako Erresuma
Buruzagiak
Frantzia Louis Nicolas Davout	Frederiko Gilen III.a Prusiakoa ; Fernando Karlos Gilen Brunswickekoa †
Indarra
26.000 infanteria; 1.400 zalditeria; 44 kanoi	66.000 infanteria ; 14.000 zalditeria ; 230 kanoi
Galerak
4.300 hildako, zauritu eta desagertu	13.000 hildako, zauritu edo gerra-preso ; 115 kanoi

Auerstedteko gudua Laugarren Koaliziko Gerraren testuinguruan gertatu zen, 1806ko urriaren 14an, Auerstedteko herritik hurbil, garaiko Saxonia-Weimar dukerrian. Prusiako Frederiko Gilen III.a erregearen eta Karlos Gilen Fernando Brunswickeko dukearen agindupean zegoen Prusiako lehen armadak Louis Nicolas Davoutek zuzendutako frantziar armadaren zati baten aurka borrokatu zuen. Auerstedteko gudua Jenako guduarekin batera agertzen da noizean behin, azken hau egun berean geratu baitzen, zenbait kilometro hegoalderantz.

1806ko urriaren 14an, Prusiako armada, mende erdiz Europan nagusia izan zena, aldi bereko bi gudutan garaitua izan zen. Davout mariskalak, armada frantsesaren eskuineko hegalaren buru, prusiarren aurka egin zuen Auerstedten, eta Napoleon enperadoreak, berriz, Jenan.

Napoleonek kanpaina Berlin hartzeko helburuarekin gidatu zuen. Saalfelden borrokatxo bat izan ondoren, Napoleonek Prusiako armadaren atzetik jarraitu zuen. Weimarren zegoela pentsatuz, Leipzigera joan zen, Jenan aurre egiteko. Esploratzaileek Napoleoni prusiarrak urriaren 13an harrapatuko zituztela adierazi zioten. Napoleonek Prusiako armadaren zatirik handiena zeukala aurrean pentsatzen zuen. 13tik 14rako gauean, Davout bidali zuen aurreratzeko eta Prusiako armadaren eskuin aldeari aurre egiteko, lur irekietara eramateko, non tropa frantziar gehienek eraginkortasun handiagoz aurre egin ahal izango zieten.^[1]

Davoutek, orduan, benetan 60.000 gizon baino gehiago zituen gudaroste sendoa zenari aurre egin zion, Frantziako mariskalaren 26.000 soldaduen aurka. Hala ere, ezagutza taktiko askoz hobeak erakutsiz, Brunswickeko dukearen agindupeko indarrei eutsi zien, zeina ekintza horretan hil baitzen. Ondorengo kontraeraso frantsesean, prusiar armada, orain Frederiko Gilen erregearen agindu zuzenpean zegoena, garaitua izan zen.^[2]

Porrot honek, Jenako guduarenarekin batera, gerraren amaiera ekarri zion Prusiari. Frantziar tropek lurralde nazionala okupatu zuten, Berlin hartu zuten eta Tilsiteko Hitzarmenaren arabera lurralde jabetza garrantzitsuei uko egitera behartuta egon ziren.^[2]

Erreferentziak

↑ Quimby, Robert S.; Gallaher, John G.. (1977-02). «The Iron Marshal: A Biography of Louis N. Davout» The American Historical Review 82 (1): 118. doi:10.2307/1857233. ISSN 0002-8762. (kontsulta data: 2024-12-01).
↑ ^a ^b Dodge, Theodore Ayrault; Petre, F. Loraine; Roberts, Earl. (1907-10). «Napoleon's Conquest of Prussia, 1806» The American Historical Review 13 (1): 140. doi:10.2307/1834901. ISSN 0002-8762. (kontsulta data: 2024-12-01).

Kanpo estekak

Datuak: Q2636580

[1] Quimby, Robert S.; Gallaher, John G.. (1977-02). «The Iron Marshal: A Biography of Louis N. Davout» The American Historical Review 82 (1): 118. doi:10.2307/1857233. ISSN 0002-8762. (kontsulta data: 2024-12-01).

[:0-2] Dodge, Theodore Ayrault; Petre, F. Loraine; Roberts, Earl. (1907-10). «Napoleon's Conquest of Prussia, 1806» The American Historical Review 13 (1): 140. doi:10.2307/1834901. ISSN 0002-8762. (kontsulta data: 2024-12-01).

[1]

[2]