Aumategi (mendia)

Aumategi/Saiturri
Datu orokorrak
Garaiera	1.191 m
Mota	mendi
Geografia
Koordenatuak	42°57′57″N 2°28′52″W
Mendikatea	Elgeako mendilerroa
Herrialdea	Euskal Herria
Probintzia	Araba
Mendizaletasuna
Ohiko bidea	Elgea
Mendikat	Mendikat

Aumategi gaina

Aumategi edo Saiturri Araba eta Gipuzkoa artean dagoen mendia da. Debagoieneko eta Elgeako mendilerroko mendirik garaiena da. Eskoriatza eta Oñatiko udalerrien lurretan dago, tontorra bera Oñatin badago ere, Barrundia udalerri arabarrarekin duen mugan. Ez da, Debagoienean ohikoa den bezala, kareharrizko mendia. Hau belartsua da. Bertan, Elgeako haize-errota ospetsuen parkea dago.

Nola heldu

Mendi hontara ondorengo igoera puntuetatik igo daiteke: Araotz, Larrea, Elgea, Ozeta. (G.)

Arabatik

Elgeako Elizalde auzotik abiatzen da ibilbiderik laburrena.

Gipuzkoatik

Inguruko beste mendi askorekin gertatzen den lez, Urizar edo Uxarko bidegurutzetik Lizargarate mendatera heltzea da lehenengo pausua. Haatik, Aumategi ez dagoenez Degurian, ez da gas hodiaren ibilbidea hartu behar, Urbiara doana baizik. Bide hori hartu eta laster, eskuinetarantz, Mugarriluzerantz doan bidexka bat dago. Mugarriluze mendiaren tontorrera iritsi ondoren, denbora guztian ekialderantz joan behar da, handik gutxira, Aumategiko tontorrera iritsi arte.

Ikus, gainera

• Arabako mendien zerrenda
• Gipuzkoako mendien zerrenda

Kanpo estekak

• (Gaztelaniaz)Mendikat webgunean
• Aumategi / Saiturri, http://www.euskal-herria.org/.

• Datuak: Q12254492

Euskarazko Wikipedian bada atari bat, gai hau duena: Euskal Wikiatlasa