Aureoboletus russellii
| Aureoboletus russellii | |
|---|---|
 | |
| Sailkapen zientifikoa | |
| Erreinua | Fungi |
| Filuma | Basidiomycota |
| Klasea | Agaricomycetes |
| Ordena | Boletales |
| Familia | Boletaceae |
| Generoa | Aureoboletus |
| Espeziea | Aureoboletus russellii G. Wu & Zhu L. Yang, 2016
|
| Basionimoa | Boletus russellii |
Aureoboletus russellii Boletaceae familiako onddo espezie bat da.
Sinonimoak: Boletus russellii (Basionimoa), Suillus russellii, Ceriomyces russellii, Boletellus russellii, Boletogaster russellii, Frostiella russellii.
Deskribapena
[aldatu | aldatu iturburu kodea]Kapela: 3 eta 10 cm bitarteko diametroarekin, ganbiletik zabalduagora, pulbinatua, borobildua, likatsua ez, ezkatatxo txiki-txikiez apaindua, gainazal urratua han eta hemen, arre kolorekoa edo arre-horixka.
Tutuak: Hori zurbilak, gero kolore biziagokoak, zahartzean arrexka kolorekoak izateraino, oinera itsatsiak.
Poroak: Luze samarrak, poligonalak, hori koloretik ilunagokoetara, tutuen kolorekoak.
Hanka: Oso luzea, zilindrikotik goitik behera loditua, erretikulatu-zulatu ezaugarri batekin, ia albeolatua, behe aldean ageriago, kolore uniformea du, gorrixka, baina gero ilunagoa, arre kolorea, arre-horixka, edo okre antzekoa.
Haragia: Hori zurbila, ez da kolorez aldatzen. Usain atsegina du eta zapore gozoa.[1]
Etimologia: Russellii epitetoa pertsona izenetik dator.
Jangarritasuna
[aldatu | aldatu iturburu kodea]Jangarria.
Sasoia eta lekua
[aldatu | aldatu iturburu kodea]Hostozabalen basoetan. Ipar Amerikan.
Banaketa eremua
[aldatu | aldatu iturburu kodea]Ekialdeko Kanada eta Ameriketako Estatu Batuak, Mexiko, Guatemala, El Salvador, Honduras, Costa Rica, Nikaragua, Japonia, Taiwan.[2]
Erreferentziak
[aldatu | aldatu iturburu kodea]- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 497 or. ISBN 84-282-0887-5 (T. 4). ISBN: 84-282-0538-8 (O.C.)..
- ↑ Aureoboletus russellii: GBIF—the Global Biodiversity Information Facility.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q107506448
Multimedia: Aureoboletus russellii / Q107506448