Aurkikuntzen monumentua

Wikipedia, Entziklopedia askea
Jump to navigation Jump to search
Aurkikuntzen monumentua
Padrão dos Descobrimentos
Padrão dos Descobrimentos
Monumento a los Descubrimientos, Lisboa, Portugal, 2012-05-12, DD 08.JPG
Kokapena
kokapenmapa
Koordenatuak 38° 41′ 37″ N, 9° 12′ 20″ W / 38.693611°N,9.205556°W / 38.693611; -9.205556Koordenatuak: 38° 41′ 37″ N, 9° 12′ 20″ W / 38.693611°N,9.205556°W / 38.693611; -9.205556
Historia eta erabilera
Irekiera1960-10-10
Jabea Portugal
Arkitektura
Arkitektoa José Ângelo Cottinelli Telmo Itzuli
Garaiera 52 m
Ondarea

Aurkikuntzen monumentua (portugesez: Padrão dos Descobrimentos) Lisboako Belem auzoan dagoen monumentu ezaguna da. XIV eta XV mendeetako espedizio handiak abiatzen ziren tokian ezarri zen, Tejo ibaiaren ertzean.

Historia[aldatu | aldatu iturburu kodea]

1939an diseinatu zuten José Ângelo Cottinelli Telmo arkitektoak eta Leopoldo de Almeida eskultoreak baina 1960an eraiki zen. Monumentuaren harri arrosa Leiriatik ekarri zen eta eskulturen kareharria Sintratik.

1960ko abuztuaren 9an inauguratu zen, Comemorações Henriquinas barnean, Henrike Nabigatzailearen heriotzaren bosgarren mendeurrenean.

Ezaugarriak[aldatu | aldatu iturburu kodea]

Haize-arrosa.

46 metrotako luzera eta 52 metrotako altuera duen monumentu neoklasizista da. 33 eskultura ditu, Portugalgo aurkikuntzen aroko errege, esploratzaile, kartografo, artista, zientzialari eta misiolari famatuen irudiak dira, denak ere itsasora begira daudenak. Hauen artean Frantzisko Xabierkoa ere badago.

Hego Afrikako gobernuak lurrean dagoen 50 metrotako diametroa duen haize-arrosa oparitu zion. Hau hainbat kolore eta motatako marmolez egina dago. Haize-arrosaren barnean 14 metrotako munduko mapa ageri da.

Monumentuaren iparraldeko fatxadan bi izkribu daude:

  • AO INFANTE D. HENRIQVE E AOS PORTVGVESES QVE DESCOBRIRAM OS CAMINHOS DO MAR ("Don Henrike infanteari eta itsasbideak aurkitu zituzten portugesei")
  • NO V CENTENÁRIO DO INFANTE D. HENRIQVE 1460 – 1960 ("Don Henrikeren bosgarren mendeurrenean, 1460-1960")

Barnealdean hiru solairu ditu. Lehenengoan 101 ikusle sartzen diren auditorioa, bigarrenean erakusketetarako bi areto eta hirugarrenean beste lau gela daude. Monumentuaren gainaldean Tajo ibaiaren eta Belem auzoaren ikuspegi itzela dago.

Eskulturak[aldatu | aldatu iturburu kodea]

Ekialdeko aurpegiko eskulturak.
Mendebaldeko aurpegiko eskulturak.

Ekialdeko aurpegian:

Mendebaldeko aurpegian:

Wikimedia Commonsen badira fitxategi gehiago, gai hau dutenak: Aurkikuntzen monumentua Aldatu lotura Wikidatan