Ausia (fosila)

Wikipedia, Entziklopedia askea
Ausia (fosila)
Sailkapen zientifikoa
ErreinuaAnimalia
FilumaCnidaria
Generoa Ausia
[[|]]

Ausia Garai Ediakarikoan bizi izan ziren fosilen genero bat da. Espezie bakarra ezagutzen da, Ausia fenestrata. Duela 630 eta 542 milioi urte artean bizi izan zen.

Aurkikuntza[aldatu | aldatu iturburu kodea]

Namibia hegoaldean dagoen Nama aztarnategian aurkitu zen 1985 urtean. G. Hahn eta H.D. Pflug paleontologoek izendatu zuten[1].

Deskribapena[aldatu | aldatu iturburu kodea]

Errusian aurkituriko Burykhia-ren antz handia du[2]. Lurrari loturik dagoen zorro bat da goian zabaldu egiten dena. Zulo ugari ditu ongi lerrokatuta. Bost zentimetrotako luzera hartzen zuen.

Taxonomia[aldatu | aldatu iturburu kodea]

Zalantza ugari sortzen ditu Ausiaren sailkapen taxonomikoak. Zientzilariek hainbat interpretazio egin dituzte.

  • G. Hahn eta H.D. Pflug: koral pennatulazeoa dela esan zuten, Veretillidae familiakoa[1]. Ez da ordea beste veretilodorik aurkitu garai bereko estratoetan eta bigarren mailako poliporik ere ez zaio ikusten Ausiari.
  • Bigarren proposamenak belakiekin lotzen du, zorro itxurako gorputza zuloz beterik duelako[2]. Adolf Seilacher paleontologoak ordea zuloak ez direla dio, depresio batzuk baino ez.
  • Gaur egungo aszidien arbasoa dela proposatu da eta tunikatuen taldean sartuko litzateke beraz[3]. Tunikatuak kordatuokin erlazionaturik dauden animalia ornogabeak dira.
  • Jerzy Dzik: Kanbriar garaiko Halkieria-rekin erlazionatu du[4].
Ausia fenestra tunikatua balitz bezala irudikatua.

Erreferentziak[aldatu | aldatu iturburu kodea]

  1. a b Hahn, G.; Pflug, H. D.. (1985). Polypenartige Organismen aus dem Jung-Präkambrium (Nama-Gruppe) von Namibia. Geologica et Palaeontologica. 19:, 1-13 or..
  2. a b M. A. Fedonkin. (1996). "Ausia as an ancestor of archeocyathans, and other sponge-like organisms". In: Enigmatic Organisms in Phylogeny and Evolution. Abstracts. Moscow, Paleontological Institute, Russian Academy of Sciences, 90-91 or..
  3. (Ingelesez) Fedonkin, M. A.; Vickers-Rich, P.; Swalla, B. J.; Trusler, P.; Hall, M.. (2012-01-01). «A new metazoan from the Vendian of the White Sea, Russia, with possible affinities to the ascidians» Paleontological Journal 46 (1): 1–11.  doi:10.1134/S0031030112010042. ISSN 1555-6174. (Noiz kontsultatua: 2019-03-16).
  4. Dzik, J.. (2011). Possible Ediacaran ancestry of the halkieriids. Palaeontographica Canadiana. 21:, 205-218 or..



Kanpo estekak[aldatu | aldatu iturburu kodea]