OFK Beograd

OFK Beograd

Ezizena(k)	Romantičari ("erromantikoak")
Sorrera	1911
Futbol zelaia	Omladinski Stadium edukiera: 19.100 lagun inaugurazioa: 1957
Presidentea	Drakče Dimitrijević
Entrenatzailea	Dragan Radojičić
Liga	3. maila
2016-17	2. mailan, 16.a (jeitsi da)
Webgunea	www.ofkbeograd.co.rs
Etxekoa 　 Kanpokoa

OFK Beograd (serbieraz Омладински фудбалски клуб Београд, Omladinski fudbalski klub Beograd, euskaraz "Belgradeko gazteen futbol kluba") Serbiako futbol talde bat da Belgrad hiriko Karaburma auzokoa.

Historia

1911 urtean sortu zen Beogradski Sport Klub (BSK Beograd) izenarekin eta hasierako hamarkadetan talde serbiar indartsuena izan zen, honen erakusle Bigarren Mundu Gerraren aurretik Jugoslaviako bost Liga eta Kopa bat irabazi zituen. Gerra garaian bertan ere Serbiako hiru liga irabazi zituen.

1950 hamarkadan beste bi kopa eskuratu zituen eta 60. hamarkadan bi kopa berriz gain Europako txapelketatan bikain aritu zen Europako Errekopa eta Ferien Kopako final erdietara iristeraino.

Serbiako txapelketak sortu zirenean ordea talde apala zen eta emaitza aipagarriena 2006ko Kopako finala du, Izar Gorriaren aurka luzapenean galdu zuena. 2016an maila galdu zuen eta 2017an 3. mailara jeitsi da.

Palmaresa

Jugoslavian: 10

• Jugoslaviako Liga (5): 1931, 1933, 1935, 1936, 1939.
• Jugoslaviako Kopa (5): 1934, 1953, 1955, 1962, 1966.

Serbian: 0

• Serbiako Liga (0): hirugarren 2003 eta 2010an.
• Serbiako Kopa (0): finalista 2006an.
• Serbiako Txapelketa/Liga Zaharra (5): 1920, 1921, 1941, 1943, 1944.

Nazio artean: 0

• Europako Errekopa (0): final erdiak 1963an.
• Ferien Kopa (0): final erdiak 1960an.
• UEFA Kopa (0): final laurdenak 1973an.

Euskal taldeen aurkako partidak

OFK Beogradek kanporaketa bakarra jokatu du euskal taldeen aurka:

Denboraldia	Txapelketa	Fasea	Etxekoa	Emaitza	Kanpokoa
1964-65	Ferien Kopa	Lehen itzulia	Athletic OFK Beograd	2-2 0-2	OFK Beograd Athletic

Kanpo estekak

• (Serbieraz) Webgune ofiziala

• Datuak: Q209619