Bagdadeko setioak 1258ko urtarrilaren 29tik otsailaren 10era arte iraun zuen. Ilkhanerriko indar mongolen eta tropa aliatuek Abbastar Kalifa-herriko hiriburua zen Bagdaden setiatu, hartu eta arpilatu zuten . Mongolak, Möngke khanen anaia zen Hulagu Khanen agindupean zeuden. Möngkek bere gobernua, Mesopotamiara zabaltzeko asmoa zuen, ez zuzenean Kaliferria tronutik kentzea. Hala ere, Möngkek Hulaguri Bagdad erasotzea agindu zion, Al-Musta'sim kalifak mongolen menpean egotearen eta Persiako mongol-indarrei laguntza militarra emateko zerga ordaintzearen eskaerak arbuiatzen bazituen.
Hulaguk Persian hasi zuen bere kanpaina: nizarien, asasinoak barne, aurkako zenbait erasoak eginez eta Alamuteko bere gotorlekua ere hartu zuen. Gero, Bagdadera abiatu zen, Al-Musta'simi Möngken eskabideak onartzea eskatzera. Abbastarrek inbasiorako prest ez ziren arren, kalifak Bagdad ezin zela inbasio-indarren aurrean erori uste zuen, eta uko egin zion amore emateari. Hulaguk, ondoren, hiria setiatu zuen, 12 egunen ondoren amore eman zuena.[2]
Hurrengo astean, mongolek Bagdad arpilatu zuten, sarraski ugari egin zituzten eta abbastarren liburutegi zabalak suntsitu zituzten, Jakintzaren Etxea barne. Mongolek Al-Musta'sim exekutatu zuten eta hiriko biztanle asko sarraskitu zituzten. Setioak, Islamiar Urrezko Aroaren amaieratzat hartzen dute eta, zenbait alorretan, lorpen kultural askoren amaiera ere suposatu zuen.
Datuak: Q369560
Multimedia: Siege of Baghdad (1258) / Q369560