Bai Euskarari Elkartea

Wikipedia, Entziklopedia askea
Bai Euskarari Ziurtagiriaren Elkartea» orritik birbideratua)
Hona jauzi: nabigazioa, Bilatu

2007an sortu zen Bai Euskarari Elkartea, zazpi urte lehenago Euskararen Gizarte Erakundeen Kontseiluak, lan munduaren euskalduntzean eragiteko, abian jarritako Bai Euskarari Ziurtagiriaren proiektua indartzeko, elkarlanaren bidez gidatzeko, zabaltzeko eta sendotzeko, eta gizartearen aurrean erreferentziala izateko xedearekin.

Elkarlana da proiektu honen oinarria sorreratik beretik, eta denon inplikazioari eta ekarpenari esker pixkanaka hazi da eta jatorrizko proiektutik, ziurtagiritik, harago joatea lortu dugu. Gaur egun, Bai Euskarari ziurtagiri bat baino askoz gehiago da. Arlo sozioekonomikoaren euskalduntzean eragitea helburu duen egitasmoa.

Bai Euskarari komunitatea geroz eta sendoagoa da; Bai Euskarari ziurtagiridunak Euskal Herri osoan zehar daude; saltoki, enpresa eta era guztietako entitateak, euskararen balioaren alde urratsak ematen. Bai Euskarari Elkarteak euskalduntze prozesua errazteko eta aholkulari gisa laguntzeko lan egiten du, baliabideak eta proiektu ezberdinak etengabe sortzen, merkatuaren eskura jartzen eta eguneratzen.

Bai Euskarari, ziurtagiri bat baino askoz gehiago[aldatu | aldatu iturburu kodea]

Ziurtagiria da Bai Euskarari Elkartearen proiektu nagusia, saltoki, enpresa eta era guztietako entitateen euskara maila aitortu eta bermatzeko egiaztagarria. Maila ezberdinak daude: “Euskararen bidean”, “Zerbitzua euskaraz” eta “Zerbitzua eta lana euskaraz”. Hori horrela, Bai Euskarari komunitatearen parte den ziurtagiridunak euskara maila hobetzeko behar duen aholkularitza eta baliabideak jasotzen ditu, Elkartearen jarraipenarekin.

Bai Euskarari Ziurtagiriaz gain, arlo sozioekonomikoan euskarararen erabilera areagotzera bideraturiko hainbat proiektu martxan daude; besteak beste: Enpresarean, Lansarean lan-ataria eta Lanabes, Araban Euskara Lanean.

Alor sozioekonomikoan euskaraz normaltasunez aritzeko baliabideak sortu eta garatu behar dira, ezinbesteko baldintza baita, pertsonak eta espazioak euskararekin betetzeaz gain, baliabideak eta tresnak ere euskaraz egotea eta horiek baliatzea. Testuinguru horretan kokatu behar da Bai Euskarariren ekarpena.

Bai Euskarari Elkartearen ezaugarriak[aldatu | aldatu iturburu kodea]

  • Ziurtagiriaren Elkartea irabazi asmorik gabeko elkartea da, beronen helburua euskararen normalizaziorako konpromisoak hartzea eta betetzea delarik.
  • Elkartearen kudeaketa bi organo kolegiaturen esku dago:
  • Bazkideen Batzar Orokorra: Batzar Orokorra bazkide guztiek osatutako organo gorena da eta berau osatzen duten bazkide guztiek eskubide eta betebehar berdinak izango dituzte.
  • Zuzendaritza: Zuzendaritzaren zeregina urteko egitasmoa eta batzarraren gainerako erabakiak aurrera eramatea izango da.

Bazkide motak[aldatu | aldatu iturburu kodea]

Bazkide babesleak
Kontseilua osatzen duten kideak.
Bazkide erabiltzaileak
Ziurtagiria duten entitateak.
Bazkide laguntzaileak
Ziurtagiriaren sustapenean elkarlanean aritu nahi duen edozein entitate.

Zuzendaritza[aldatu | aldatu iturburu kodea]

Bazkide babesleen multzotik

1. Kontseiluko lehendakaria

2. Kontseiluko idazkari nagusia

3. 4. EMUN, Elhuyar, Artez, Iberba eta Ahizeren artean, 2, rotazioz.

Bazkide erabiltzaileen multzotik

5. Euskadiko Kooperatiben Konfederazioa

6. Oreka It

Bazkide laguntzaileak

7. LAB

Zuzendaritzako 8. kidea, elkartearen zuzendaria da (botorik gabe).

Hausnarketa Estrategikoaren ondorioz, datozen hilabeteotan zuzendaritza handitu eta indartuko da.

Kanpo loturak[aldatu | aldatu iturburu kodea]