Balerko setioa

Balerko setioa
	Filipinetako Iraultza
	José Ferré Clauzelen margolana
Data	1898ko uztailaren 1a - 1899ko ekainaren 2a
Lekua	Baler
Koordenatuak	15°45′33″N 121°33′44″E / 15.75917°N 121.56222°E
Emaitza	Filipinar garaipena
Gudulariak
Espainia (erregezaleak)	Filipinak (matxinoak)
Buruzagiak
* Enrique de las Morenas y Fossi † Juan Alonso Zayas †; Saturnino Martín Cerezo;	Teodorico Luna Novicio; Simón Tecson; Cirilo Gómez; Calixto Villacorta;
Indarra
Kapitain bat, 2 teniente, teniente mediku bat, 53 ehiztari, apaiz bat, 2 fraide	800
Galerak
17 hildako; 6 desertore	700 (hildako eta zauritu)

Balerko setioa, 1898ko uztailaren 1a eta 1899ko ekainaren 2a artean, Filipinetako Iraultzan zehar, Luzon uhartean filipinar matxinatuek Baler herriko elizan gotortutako espainiar destakamentu militar baten aurka burututako setioa izan zen.

Setioa

1898ko abenduan Espainia eta AEBek Parisko Hitzarmena sinatu eta Filipinak Espainiar Inperioaren kolonia izatetik AEBen kolonia izatera igaro ziren.

Halere, setioak hitzarmen hori aintzakotzat ez hartu eta 1899ko ekainaren 2rarte Balerko espainiar soldaduak beraiek baina askoz ere gehiago ziren filipinar matxinoei ez ziren errenditu, setioak 337 egun iraunez. Horregatik, espainiar herri kulturan soldadu talde horren adorea eta egoskortasuna ospetsu egin eta Filipinetako Azkenak ezizena jaso zuten.

Filipinar agintariek espainiarrek eskatutako baldintza ohoretsudunak zituen kapitulazioa onartu zuten, eta preso hartu gabe, Manilara joatea utzi zieten, bertan, Emilio Aguinaldo filipinar presidenteak espainiar destakamentuaren kemena goraipatuz dekretua argitaratu zuen. Filipinetako hiriburuan harrera jendetsua izan ondoren Espainiara itzuli zituzten.

Indarrak

Espainiar destakamentua 61 gizonez osatua zegoen: kapitaina, 2 teniente, teniente medikua, 53 ehiztari, apaiza eta 2 fraide. Guzti hauen artean 2 euskal herritar zeuden:

Julián Galbete Iturmendi, 2. mailako soldadua (Morentin, Nafarroa Garaia), 1898ko uztailaren 31n zaurien ondorioz hila.
José Sanz Beramendi soldadua (Sagues, Nafarroa Garaia), 1899ko otsailaren 13an gaixotasunez hila.

Setioan parte hartutako filipinar matxinoak 800 inguru izan ziren.

Galerak

Espainiarrek 17 hildako eta 6 desertore izan zituzten.

Filipinarrek 700 hildako inguru.

Zinema

Los últimos de Filipinas (1945)
1898: Los últimos de Filipinas (2016)

Kanpo estekak

Datuak: Q778699
Multimedia: Siege of Baler / Q778699