Bankia

Wikipedia, Entziklopedia askea
Bankia
Bankia logo.svg
Datuak
MotaBankua, negozioa, enpresa eta kapital irekiko enpresa
Jarduera sektoreabanking industry (en) Itzuli eta finantza-zerbitzua
HerrialdeaEspainia
Jarduera
Ekoizpena
Agintea
ZuzendariaJosé Ignacio
Egoitza nagusi
Egoitza nagusi
Legezko formaBaltzu anonimo
Zeren jabe
Balore-burtsaOTC Markets Group (en) Itzuli
Historia
Sorrera2010eko abenduaren 3a
Webgune ofiziala
Facebook: bankia.es Twitter: Bankia LinkedIn: bancobankia Edit the value on Wikidata
Bankia Madril.

Bankia izena, Banco Financiero y de Ahorros banketxeak erabilitako izen komertziala da, Espainiako bigarren etxe-bankua da, 485.900 miloiko bolumena eta 272.000 milioi euroko aktiboa dituena.

2012ko maiatzaren 9tik Espainiar estatuko jabetza da Espainiako Bankuak ezarritako kapital baldintzak betetzeko gai izan ez zenetik[1]. Bankuko zuzendaritza guztia aldatu eta ordutik bankuko presidentea Jose Ignacio Goirigolzarri da.

Historia[aldatu | aldatu iturburu kodea]

Bankia[aldatu | aldatu iturburu kodea]

Bankua 2010eko abenduaren 3an sortu zen. Zazpi kutxen bateratzea 4 hilabetetan burutu zen (integrazio agiria 2010eko uztailaren 30ean sinatu baitzen). Bankia, Espainiako zenbait tokitan buru ziren kutxen elkarketaren ondorioz sortzen da. Hauek dira kutxak, parte-hartzearen arabera:

2014ko abenduaren 4an jakin zenez, Bankiako 2011ko kontuek benetako egoera ez zuten islatu[2]. Abenduaren 5ean, Bankia Burtsan kotizatzen hasitakoan “iruzur egiteko aukerarik edo asmorik” ez zutela esan zuen Rodrigo Rato Bankiako presidente ohiak. Esan zuenez, 2010eko amaieratik 2011ko martxora bitartean, BFA Bankiako kutxen “aparteko kontrola” egin zuen Espainiako Bankuak[3].

Negozio arloak[aldatu | aldatu iturburu kodea]

Bankiako jarduera ekonomikoa hainbat arlotan garatzen da: bezero eta enpresentzako prestakuntzak, aktiboen kudeaketa, merkatu-kapitalak eta banku pribatua, beti kalitaztezko zerbitsuak eta finantza produktuak eskainiz, bai estatu mailan eta baita nazioarte mailan ere.

Bankiak sukurtsal-sare garrantzitsua du: Beijing, Dublin, Lisboa, Londres, Miami, Milan, Munich, Oporto, Paris, Shangai, Varsovia eta Vienan dago; Espainiar Estatuan, 6 autonomia-erkidegotan merkatu buru bezala azaltzen da.

Elkartea, hainbat enpresa desberdin eta garrantzitsuen parte da, 5.500 milioitan baloratutako akzioekin (2011ko urtarrilaren 31ko datuak).

Egoitza/Kokapena[aldatu | aldatu iturburu kodea]

Lan-egoitza Madrilen izan arren, bankuaren kokapen soziala zein ordezkarien helbidea Valentzian dago. Presentzia handiko taldea da Espainia osoan. Europar Batasunean ez ezik beste herrialde eta kontinente batzuetan ere dago (Txinan eta Estatu Batuetan, adibidez).

Burtsa[aldatu | aldatu iturburu kodea]

Entitatea burtsara aterako da, neurri estrategiko bezala, bere proiektua berrindartzeko, inbertsore berriak bereganatzeko eta kapitala sendotzeko. 2011ko uztaila hasieran, burtsara ateratzeko prozesua hasi zuen, eta akzioak uztailaren 20an kotizatzen hastea espero da. Hasieran akzioak saltzeko ezarritako prezioa 4,40 eta 5,05 euro artekoa bazen ere, uztailaren 18an behin betiko irteera prezioa 3,75 eurotan ezarri zen, nazioarteko inbertsoreen arreta eskuratzeko helburuarekin[4].

Dena den, 2012ko urtarril arte akzioen prezioa eusten saiatu arren, otsailetik hasita beherakada nabarmena hasi zen eta urtarriletik maiatz hasiera arte akzioek % 70 egin zuten behera. Bi hilabete beranduago jaitsiera are nabarmenagoa izan zen eta 0,48 euroren truke salerosi ziren akzioak burtsan. Porrot horregatik, milaka inbertsiogile txiki ataka batean geratu ziren, eta estatuak bankua erreskatatu zuen 24.000 milioi euro jarrita.[5] Operazio engainagarri bat izan zelakoan, epaiketa bat hasi zen Rodrigo Rato eta bankuko hainbat arduradunen kontra. Bada, Auzitegi Nazionalak erabat absolbitu zituen iruzurretik 2020ko irailaren 29an.[6][7][8]

Bankia osatzen duten aurrezki kutxak[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]