Banku Berregituraketa Ordenaturako Funtsa

Banku Berregituraketa Ordenaturako Funtsa (gaztelaniaz Fondo de Reestructuración Ordenada Bancaria), Espainiako banku sistema berregituratu eta arazoak zituzten aurrezki kutxa eta bankuei laguntza emateko 2009an Espainiako gobernuak sortutako erakunde publikoa. Erakundeak gobernuaren aurrekontuetatik eta banku sistemako gordailuen babeserako funtsetik hartutako diruaz lagundu zituen hainbat aurrezki kutxa 2010ean, Espainiako bankuak bultzatutako fusioen bitartez.

Aurrezki kutxei emandako laguntzak

2010ean emandako laguntzak

2010ean berregituraketa funtsak honako diru-laguntzak eman zituen:

• Banco Financiero y de Ahorros: (Bancaixa, Caixa Laietana, Caja Madrid, la Caja de Canarias, Caja de Ávila, Caja Segovia eta Caja Rioja). 4.465 milioi euro
• CatalunyaCaixa: (Caixa Catalunya, Caixa Manresa eta Caixa Tarragona). 1.250 milioi euro
• Novacaixagalicia: (Caixa Galicia eta Caixanova). 1.162 milioi euro
• Banco Mare Nostrum: (Caja Granada, Caja Murcia, Caixa Penedès eta Sa Nostra). 915 milioi euro
• BBK Bank Cajasur: (Cajasur). 392 milioi euro
• Caja España-Duero: (Caja España eta Caja Duero). 525 milioi euro
• Unnim: (Caixa Sabadell, Caixa Terrassa eta Caixa Manlleu). 380 milioi euro

2011n emandako laguntzak

• Banca Cívica: (Nafarroako Kutxa, CajaCanarias, Caja de Burgos eta Cajasol). 977 milioi euro
• CatalunyaCaixa: 1.718 milioi euro
• Novacaixagalicia: 2.465 milioi euro
• Unnim: 568 milioi euro

2014ko abenduaren 30ean, FROBek gehiegizko soldatak ikusi zituen Caja Madrideko zuzendaritzan. Goi-kargudun ohiek kutxari 14,8 milioi euroko 'zuloa' egin ziotela adierazi zuen.

Ikus, gainera

• Espainiako higiezinen burbuila

Kanpo loturak

• (Gaztelaniaz) Funtsaren webgunea.

Artikulu hau ekonomiari buruzko zirriborroa da. Wikipedia lagun dezakezu edukia osatuz.