Barra paraleloak[1] edo paraleloak gizonezkoen gimnastika artistikoan erabiltzen den aparatua da: zuntz edo egur leundu, gogor eta elastikozko bi barra dira, 3,50 m-ko luzera dutenak, elkarrekiko paraleloan eta bata bestetik 42-52 cm-ra kokatuak, eta altuera erregulagarriko bina euskarriren gainean bermatzen dira.[2] Horien gainean, gimnastek oreka-ariketak eta pirueta akrobatikoak (hegaldiak) egiten dituzte. Behar diren barretako elementuak bi dira: orekakoak, gimnasta barren gainean jartzen dena; eta «solteak», kirolariak aparatutik bereizi eta aparatuaren kontrolari berriro ekin behar diona. Indar-elementuak ez dira beharrezkoak, baina eliteko atletek lehiarako errutina ona osatzeko erabiltzen dituzte. Elementuak zailtasun-mailaren arabera sailkatzen dira. Ohikoa da bi barrak erabiltzea, baina gimnasta askok bakarra erabil dezakete eskuak geldiarazteko eta errutinari arintasuna eransten dioten beste elementu batzuk erabiltzeko; oro har, mugimendu horiek barretako kanpoko alboetan egiten dira.
Datuak: Q692104
Multimedia: Parallel bars / Q692104