Basarrateko geltokia

Basarrate
	Geltokiaren barrualdea.
	Kokapen mapa
Lineak
Kokapena
Helbidea	Basarrate landa; 48004
Udalerria	Bilbo, Bizkaia
Geltokiaren datuak
Kodea	BAS
Gunea	1. gunea
Irekiera	1997ko uztailaren 5a
Bidaiariak	2.135.721 (2016)
Irisgarria
Zerbitzuak
Aldageltokia
Nasak	2
Trenbideak	2
Jabea	Euskal Trenbide Sarea ; Bizkaiko Garraio Partzuergoa
Eragilea	Metro Bilbao
Garraio zerbitzuak
Metroa	L1 Etxebarri - Plentzia ; L2 Basauri - Kabiezes
Bilbobus	13 San Ignazio - Txurdinaga ; 40 La Peña - Plaza Biribila
Bestelakoak	Taxi

43°15′02″N 2°54′41″W / 43.250600°N 2.911431°W

Basarrate Bilboko metroaren 1. eta 2. lineei dagokien lurpeko geltokia da, Bilboko Santutxu auzoan kokatuta dagoena, Basarrateko zelaiaren ondoan hain zuzen. 1997ko uztailaren 5ean inauguratu zen, eta Bizkaiko Garraio Partzuergoaren 1. tarifa-gunearen barruan dago.^[2]

Sarbideak

Pintor Losada kalea, 3; Basarrateko zelaia (Basarrate irteeera)
Iturriaga kalea, Marqués Laurentinekin izkina (Ascensor Iturriaga irteera)

Geltokia

Norman Fosterrek diseinatutako haitzulo motatakoa da. Bolumen handi bakar batean zulatzen den ganga itxurako galeria da, 100 metro inguru luzerakoa, eta hari zintzilikatuta mezzanina izeneko plataforma banatzailea dago. Mezzanina alboko bi nasekin elkarlotzen da eskailera monumentalen eta igogailuen bidez, eta kaleko sarbideen igogailu eta eskailerekin korridore zabal baten bidez. Mantenu elementuak, hala nola aireztapena, kableak, ur-hodiak eta abar nasen azpian kokatzen dira.

Geltoki honetako arkitekturan hiru material nagusi erabili dira: hormigoia, altzairu herdoilgaitza eta beira. Azalak hormigoi ikusizkoak dira, 240 x 120 zentimetroko modulo plaka aurrefabrikatuak erabilita eta hormigoi bonbeatuzko estalduraren enkofratu galduak direnak. Mezzanina elementuaren egitura altzairu herdoilgaitzezkoa da, haitzulo pisutsuaren irudia arinduz. Sarbide korridorea hormigoizko kanoi eliptikoa da, espazio zabala lortuz.^[3] Kalean, kanoia agerian utzi eta ez da fosterito izenpetutako bidaiaria jasotzeko beirazko sarrera erabili.

Geltokia igogailu, txarteldegi, balioztatze makina eta 2017tik desfibrilagailuz ere hornituta dago.^[4]