Baxar al-Assad

Wikipedia(e)tik
Bashar al-Assad» orritik birbideratua)
Hona jo: nabigazioa, Bilatu
Baxar al-Assad
Bashar al-Assad.jpg
Siriako presidente

2000ko uztailak 17 -
Abdul Halim Khaddam
Bizitza
Jaiotza Damaschin1965eko irailaren 11 (51 urte)
Herrialdea  Siria
Lehen hizkuntza arabiera
Familia
Aita Hafez al-Assad
Ama Anisa Makhlouf
Ezkontidea(k) Asma al-Assad  (abendua 2000 -
Anai-arrebak
Familia
Leinua Al-Assad familia
Hezkuntza
Heziketa Damaskoko Unibertsitatea
(1982 - 1988) gradu : medikuntza
Hizkuntzak arabiera
Lanbidea
Lanbidea politikaria, oftalmologoa, medikua eta militarra
Jasotako sariak
Zerbitzu militarra
Adar militarra Siriako Indar Armatuak
Gradua jeneral
Gatazka Siriako Gerra Zibila
Sinesmenak
Erlijioa Alauia
Alderdi politikoa Baath Alderdia
IMDb nm1519747

Baxar al-Assad (arabieraz: بشار الاسد‎; Damasko, 1965ko irailaren 11a) siriar estatu-politikaria da, Siriako Arabiar Errepublikako presidentea 2000ko ekainaren 20tik; aita Hafez al-Assaden ondorengo izan zen karguan.

Bizitza[aldatu | aldatu iturburu kodea]

Baxar al-Assad Damaskon jaio eta hazi zen. Bertako unibertsitatean lortu zuen medikuntzako gradua, 1988an, eta oftalmologian espezializatu zen Tishreen eritetxe militarrean. 1992an Londresko Western Eye Hospitalera aldatu zen. Erresuma Batuan begi-artatzaile jardun zuen, politikatik aldenduta. Baina 1994an Bassel, anaia nagusia eta aitaren oinordekoa, hil zen auto istripuz, eta Baxarrek Siriara itzuli behar izan zuen. Homseko akademia militarrean sartu zen eta, bost urteren buruan, koronel gradua erdietsi zuen. Aitaren aholkularia izan zen urte horietan, eta ustelkeriaren aurkako kanpaina bat zuzendu zuen; bidenabar, ezabatuz joan zen lehiakideak izan zitezkeenak[1].

Hafez al-Assad 2000ko ekainaren 10ean hil zen, eta hilabete bat geroago Baxar al-Assad aukeratu zuten presidente, erreferendum bidez, botoen %97,3·eskuratuta. Hasieran erreformak egingo zituela zirudien arren, aitaren bideari eutsi zion. 2007an karguan berretsi zuten, botoen %97,6-rekin[2][3]. 2011ko urtarrilean Arabiar Udaberriko protestak Siriara hedatu ziren. Armadak bortizki zapaldu zituen manifestariak, eta herrialde ugarik boterea uzteko exijitu zioten Baxarri[4]. Egoera gaiztotuz joan zen, Siriako Gerra Zibila piztaraziz[1]. Gerra horretan, Baxar al-Assadek «gizateriaren aurkako krimen asko» egin zituen, NBEko idazkari nagusi Ban Ki-moonen arabera[5].

2014ko ekainaren 3ko presidentetzarako hauteskundeetan nagusitu zen, botoen %88,7 jasota. Lehen aldiz urte askotan, hautagai bat baino gehiago lehiatu ziren hauteskunde horietan[6].

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Baxar al-Assad Aldatu lotura Wikidatan