Basofilo

Wikipedia(e)tik
Hona jo: nabigazioa, Bilatu
Basofiloa

Basofilo, koloratzaileekin erraz tindatzen den zelula orori deritzo. Baina, hitz hau, inongo argipen gehigarririk gabe erabiltzen denean, granulozitoen familiako leukozito mota bati erreferentzia egiten zaio (odoleko globulu zuriak). Polimorfonuklearretako bat da, neutrofilo eta eosinofiloak bezala.

Basofiloen granuloak, sendoak baina urriak dira. 10 mikrometroko diametroa duten zelulak dira, eta, bere nukleoak, S bat gogorarazten duen forma bat du. Gainontzeko granulozitoak sortzen diren toki berean sortzen dira, hezur-muinean, alegia, eta urrienak dira, guztien %0,5 baino ez baitira. Immunitate-sistemaren erantzunean partehartze aktibo bat dute, histamina, serotonina kontzentrazio baxuetan eta beste substantzia kimiko batzuk jariatuz.

Bi motatako granuloak ditu:

  • Granulo azurofiloak: Lisosomak dituzte, hauek, aldi berean, hidrolasa azidoak dituztelarik.
  • Granulo zehatz edo bigarren mailakoak: Histamina dute (hodi dilatatzailea), Heparan sulfatoa (hodi dilatatzailea), Heparina (antikoagulatzailea) eta Leukotrienoak (arnas hodien gihar laua uzkurrarazten dute).
Commonsen badira fitxategi gehiago, gai hau dutenak: Basofilo Aldatu lotura Wikidatan