Batman (telesaila)

Wikipedia(e)tik
Hona jauzi: nabigazioa, Bilatu
Batman
Batman and Robin 1966.JPG
Batman eta Robin (Adam West eta Burt Ward).
Formatua superheroiak
Iraupena 25 minutu
Egilea William Dozier
Protagonistak Adam West, Burt Ward, Alan Napier, Neil Hamilton, Stafford Repp, Madge Blake, Yvonne Craig (3. denboraldia), Cesar Romero
Herria  AEB
TB Katea ABC
Emisioa 1966ko urtarrilaren 12a
1968ko martxoaren 14a
Atalak 120 atal (3 denboraldi)

Batman 1960ko hamarkadako AEBetako superheroi telesaila bat da. Bob Kane eta Bill Finger komikigileen Batman superheroiaren komikietan oinarritua dago. Bertan, Adam West, Burt Ward, Alan Napier, Neil Hamilton, Stafford Repp, Madge Blake, Yvonne Craig eta Cesar Romero aktoreek antzeztu zuten. Telesailaren William Dozier sortzailea berak narratzailearen ahotsa ipini ohi zuen.

Euskal Herrian ETB1an euskaraz eta ETB2an gaztelaniaz aireratu zen.

Telesaila honen sarrerako eta amaiera kredituetako "Batman Theme" doinu edo abestia Neal Hefti musikariak konposatu zuen, gainontzeko musika Nelson Riddle eta Billy May musikarien eskutik konposatu zelarik.

Gaur egungo Batmanen filmak ez bezala, honako telesaila honen arrakasta itzela inongo efektu berezirik gabeko seuperheroiaren nolabaiteko parodia zelakoan datza, Batman antzezten zuen Adam West aktoreak galai planta izan arren ohiko superheroiek eta Batman berea ez bezala fisikoki sasoi bete-betean ez baitzegoen. Bestalde, borrokaldietan kolpeak eta ukabilkadak onomatopeien hizkiekin eta musikarekin irudikatzen ziren, komikiak bailiran. Telesailak eta pertsonaiek 1960ko hamarkadako Beat belaunaldiaren estetika izateak ere telesailaren hedapenean zerikusi handia izan zuen.

Bestalde, telesailak bere moraltasun ukitu edo hiritartasun alhokuak ere bazituen, adibidez, protagonistek gidatu aurretik segurtasun gerrikoa jarri behar zela maiz aipatu ohi zuten, bai eta haur eta nerabeek etxekolanak egin behar zituztela, gainera bitxikeria gisa, Batman eta robinek inoiz ez zuten alkohol tantarik edan, aldiz, edonora zoaztela ere edateko beti esnea eskatu ohi zuten.

Aktoreak[aldatu | aldatu iturburu kodea]

Iruditegia[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Batman (telesaila)