Beatriz Chivite

Wikipedia, Entziklopedia askea
Hona jauzi: nabigazioa, Bilatu
Beatriz Chivite
Beatriz Chivite (Zoe Marticorena).jpg
Ahotsa
Bizitza
Jaiotza Iruñea1991ko martxoaren 16a (26 urte)
Herrialdea  Nafarroa Garaia, Euskal Herria
Familia
Aita Fernando Chivite
Hezkuntza
Heziketa Londresko Unibertsitatea
Hong Kongeko Unibertsitatea
Hizkuntzak euskara
Jarduerak
Jarduerak filologoa, itzultzailea eta poeta

Beatriz Chivite Ezkieta[1] (Iruñea, 1991ko martxoaren 16a) nafar idazlea da[2]. Fernando Chivite nafar idazle ezagunaren alaba da[3] eta ama ere idazlea du, Isabel Ezkieta[4]. Filologia Txinatarra eta Ekialdeko Artearen Historia ikasi zuen Londresen. 2017az geroztik, Espainiak Jakartan duen enbaxadan egiten du lan, kultur kudeatzaile gisa.

Ibilbidea[aldatu | aldatu iturburu kodea]

Iruñean jaio eta oinarrizko hezkuntza mailak Burlatan egin ostean, Nazioarteko Batxilergoa Duinon (Italian) egin zuen, United World Colleges-en beka irabazita (2007-2009). Ikasketa haiek amaitu zituenean, Nepalgo eskola-barnetegi batera joan zen, urtebetez, boluntario gisa.

2010ean Filologia Txinatarra eta Ekialdeko Artearen Historia ikasten hasi zen Londresko Unibertsitateko School of Oriental and African Studies (SOAS) Fakultatean, eta Unibertsitateko bigarren ikasturtea Pekinen egin zuen. Txinan bizitako esperientzia abiapuntu gisa hartuta, bere lehen olerki liburua idatzi zuen: Pekineko kea (2017, Pamiela)[5][6]. Lan honekin, 2012an Iruñeko Udalak antolatutako Poesia Lehiaketa irabazi zuen. 2014an, berriz, Ernestina Champourcin XXV. Poesia Lehiaketa irabazi zuen Metro (2014, Arabako Foru Aldundia)[6] liburuarekin. Azken honekin, 2015ean, Lauaxeta Saria ere irabazi zuen Chivitek. 2016an, gaztelaniara itzuli eta Papeles Mínimos argitaletxeak plazaratu zuen.

La Caixa beka bati esker, Literatura eta Zinema Txinatarrari buruzko masterra egin zuen Hong Kongeko Unibertsitatean (2015-2016), eta 2016an bere master amaierako lanarekin, MK Cheung Memorial Prize saria jaso zuen.

2016an Nafar Gobernuko Gazte saria jaso zuen, eta Blas de Otero Poesia Lehiaketa ere irabazi zuen, urte berean, Biennale (2017, Erein) liburuarekin.

2017an, Donostia Kulturak eta Donostia 2016k sustatutako "Beste Hitzak-Other Words" sorkuntza egonaldia egin du Mariborren (Eslovenian), mugei eta migrazioei buruzko egitasmo poetiko batekin.

Lanak eta sariak[aldatu | aldatu iturburu kodea]

Pekineko kea
Pekineko kea.jpg
Azaleko irudia: Beatriz Chivite Ezkieta
Audioa
Beatriz Chivite, Pekineko kea liburuko Pekin poema irakurtzen.
Beatriz Chivite, Pekineko kea liburuko Baso bat ardo gorri poema irakurtzen.
Datuak
Egilea Beatriz Chivite Ezkieta
Argitaratze-data 2017
Generoa Poesia
Argitaratzailea Pamiela
Orrialdeak 89
ISBN 978-84-7681-983-8
Sariak Iruñeko Udalak antolatutako Poesia Lehiaketa, 2012
  • Galdutako ispiluak. Iruñeko Udalaren egile berrientzako lehiaketan narrazio-saria, 2007.
  • Pekineko kea (2017, Pamiela). Iruñeko Udalak antolatutako Poesia Lehiaketa, 2012[7][8][9].
  • Metro (2014, Arabako Foru Aldundia). 2014ko Ernestina Champourcin XXV. Poesia Lehiaketa eta 2015eko Lauaxeta Saria.
  • 2016ko Nafarroako Gobernuko Gazte saria.
  • Biennale (2017, Erein). 2016ko Blas de Otero Poesia Lehiaketa (Bilboko Udala)[9].

Erreferentziak[aldatu | aldatu iturburu kodea]

  1. Abizena horrela idaztea euskal herritar horren aukera pertsonala da. Izan ere, Euskaltzaindiak, euskara baturako, Txibite onartu du deitura horren grafiatzat. Ikus Euskal Onomastikaren Datutegia.
  2.   Ilintxeta, Reyes (2013-10-13), «Hizkuntzaz harago, beste muga batzuk ditugu, beste harresi asko», Argia, http://www.argia.eus/argia-astekaria/2386/beatriz-chivite-ezkieta .
  3.   Ilintxeta, Reyes (2013-10-13), «Hizkuntzaz harago, beste muga batzuk ditugu, beste harresi asko», Argia, http://www.argia.eus/argia-astekaria/2386/beatriz-chivite-ezkieta. Noiz kontsultatua: 2017-9-7 .
  4.   Bizkaiko Ahaldun Nagusiak eta Euskara eta Kultura Diputatuak Lauaxeta 2015 Sariak eman dituzte, 2015-12-02, http://web.bizkaia.eus/eu/web/area-de-prensa/berriak/-/news/detailView/15603. Noiz kontsultatua: 2017-9-7 .
  5.   «Pekinen bizitakoen eguneroko poetikoa argitaratu du Beatriz Chivitek», Hitzen Uberan, 2017-04-26, http://www.uberan.eus/?kaia/item/pekinen-bizitakoen-eguneroko-poetikoa-argitaratu-du-beatriz-chivitek. Noiz kontsultatua: 2017-09-02 .
  6. a b   «Beatriz Chivite Sautrelan» (bideoa), Sautrela, 2017-05-20, http://www.eitb.eus/eu/telebista/programak/sautrela/osoa/4844748/beatriz-chivite-poetari-elkarrizketa-egingo-dio-benat-sarasolak/. Noiz kontsultatua: 2017-09-02 .
  7.   Azurmendi, Nerea (2017-08-30), «Paddy Rekalde eta Beatriz Chiviteren poemetan mamituko dira 'Poesia Orduak'», El Diario Vasco, http://www.diariovasco.com/culturas/paddy-rekalde-beatriz-20170830190918-nt.html. Noiz kontsultatua: 2017-09-20 .
  8.   Unanue, Maialen (2017-08-31), «Poesia, musikaz eta irudiz josia», Berria, http://www.berria.eus/paperekoa/1935/026/001/2017-08-31/poesia_musikaz_eta_irudiz_josia.htm. Noiz kontsultatua: 2017-09-20 .
  9. a b (Gaztelaniaz)  Sierra, Elena (2017-11-11), «Las hojas que nos trae el otoño», El Correo: 52 .

Kanpo loturak[aldatu | aldatu iturburu kodea]