Beatriz Galindo

Wikipedia, Entziklopedia askea
Jump to navigation Jump to search
Beatriz Galindo
Beatriz Galindo.jpg
Bizitza
Jaiotza Salamanca1465
Herrialdea  Espainia
Heriotza Madril1534ko azaroaren  23a (68/69 urte)
Familia
Ezkontidea(k) Francisco Ramírez de Madrid Itzuli
Hezkuntza
Heziketa Salamancako Unibertsitatea
Hizkuntzak latina
gaztelania
Jarduerak
Jarduerak idazlea eta medikua
Enplegatzailea(k) Salamancako Unibertsitatea
Izengoitia(k) la Latina

Beatriz Galindo, Latina deitua, (Salamanca, Espainia, 1465Madril, Espainia, 1534ko azaroaren 23a) idazlea eta humanista izan zen, Elisabet I.a Gaztelakoaren latin eta gramatika irakaslea. 

Bizitza [aldatu | aldatu iturburu kodea]

Salamanca hirian jaioa, haren jaiotza datak zalantza batzuk sortzen ditu ikertzaileengan. Batzuk 1465an kokatzen dute, baina beste batzuk 1464an.

Familia noble baten altzoan jaio zen. 

Azkarra eta letren zalea zenez, gurasoek erabaki zuten gramatikako klaseak jasoko zituela Salamancako Unibertsitatean. Latinerako gaitasun handiak erakutsi zituen; hamabost urte zituela, latinez irakurri eta testu klasikoak itzuli ez ezik, hitz eta idatzi ere egin zezakeen. Bere ospea Salamancan zabaldu zen lehendabizi, eta geroago erreinu guztian zehar; horrela, Latina ezizena hartu zuen. Greziera ere bazekien, eta Aristoteles gustatzen zitzaion bereziki. 1486an, moja izateko prestatzen ari zela, Elisabet I.a Gaztelakoak deitu zuen.

Ez zituen irakasle lanak bakarrik egin, izan ere, erreginak asko eskertzen baitzituen bere aholkuak. 1491n ezkondu zen Errege-erregina Katolikoen aholkulari Francisco Ramirez de Madridekin. Bi seme izan zituzten, Fernan eta Nuño. 1501ean alargun gelditu zen, eta ondorioz Madrila itzuli zen, Vianako jauregira.

Galindori zor zaio Latina ospitalearen eraikuntza (1499-1507), baita Concepción Francisca eta Concepción Jerónima monasterioena ere.

Olerkiak eta Aristotelesen iruzkinak dira bere obrak. Poesia latinez idazten zuen eta teologia eta medikuntza ikasi zuen.

Erreferentziak[aldatu | aldatu iturburu kodea]