Bela (nautika)

Artikulu hau oihalari buruzkoa da; beste esanahietarako, ikus «Bela».

Belak ontzi txiki bitan

Bela edo haize oihal bere baitan haizea hartzeko forman ebaki eta jositako ehun zatia da, batez ere belaontziak higiarazteko erabilia. Masta, belazurrun eta estaietan lotzen da eta horie esker ibilgailuak bultzatu eta gobernatzen dira.

Nautikan, belak ixtea "eraitsi" edo "bildu" diote eta zabaltzea "eraiki" edo "hedatu".

Motak

Belak, formaren arabera sailka daitezke:

• Bela karratuak haizearen alde nabigatzeko egokiak dira, baina ez kontra, eta forma angeluzuzena edo trapezoidal isoszelea dute. Belaontzi handietan izan ohi dira, eta altxatzen diren mastaren arabera izendatzen.
• Bela aurikoak trapezoidalak dira, eta masten txopan hedatzen. Masten goialdean "zurruna" izeneko haga dago tenkatuta, eta behekoan haga horizontal bat, zubiarekiko paraleloa, "ezpeleta" izenekoa.
• Bela latindarrak hirukiak dira, antzinako erromako belaontzietan bezala eta mastan diagonalki igotako haga baten bidez tenkatzen dira.
• Bela bermudarrak hiruki formakoak dira, baina goiko ertzetik tenkatuta daude, mastaren alde batean altxatuta eta ezpeletari lotuta.

• 
  Bela karratua
• 
  Bela aurikoa
• 
  Bela latindarra
• 
  Bela bermudarra

Belaontzi handietan, mastaren kokapenaren arabera izendatzen dira:

• Maspreza: brankakoa, ia horizontalean
• Trinketa masta: trinketa, trinketaren belatxoa (gainekoa) eta trinketaren boneta (azpikoa)
• Masta nagusia: nagusia, nagusiaren belatxoa (gainekoa) eta nagusiaren boneta (azpikoa)
• Gibeleko masta edo mesana: mesana eta mesanaren boneta (azpikoa)

Atalak

Belaren zatiak:
1. Drizaren heldulekua
2. Aienka
3. Bergadura-taula
4. Sable
5. Baluma
6. Bergadura
7. Markoni
8. Nerbioren muturra
9. Kizkurraren gerriko
10. Amula
11. Brager
12. Bela-lokarri

Kanpo estekak

• Datuak: Q25999
• Multimedia: Sails / Q25999