Belar proventzal

Wikipedia, Entziklopedia askea
Jump to navigation Jump to search
Belar proventzalak

Belar proventzalak (frantsesez: Herbes de Provence) Frantzia hego-ekialdeko Proventza eskualdeko belar lehorren nahasketa tipikoa da. Hasieran deskribapen terminoa besterik ez zen izan baina 70eko hamarkadan merkataritza-nahasketak izen honekin saltzen hasi ziren. Nahaste horiek, askotan, azarria, mendaroa, erromeroa, ezkaia, eta oreganoa izaten dute. Ipar Amerikako merkatuan labanda hostoak gehitzen dira. Belar nahasketa hau normalean plantxan eta erregosia egindako elikagaietan erabiltzen da.

Sorrera[aldatu | aldatu iturburu kodea]

Proventzako sukaldaritzan tradizioz belar asko erabiltzen ziren eta, askotan, kolektiboki herbes de Provence bezala ezagutzen, baina ez konbinazio zehatz batean, eta ez zen saltzen nahasketa prestatu bat bezala. 1970eko hamarkadan, espezien banatzaile handienek homogeneizatutako nahasketak egin zituzten, besteak beste, Ducros Frantzian (gaur egun McCormick & Companyren zati bat).

Erabilitako belarrak[aldatu | aldatu iturburu kodea]

Nahaste hauek normalean azarria, mendaroa, erromeroa, ezkaia, oreganoa, eta beste belar batzuk ditu.[1] Ipar Amerikako merkatuan, labanda hostoak gehitzen dira (agian, Provenza eta labanda eremuen artean Ameriketan egiten den loturagatik),[2][3] nahiz eta labanda ez den agertzen 1910eko Jean-Baptiste Reboulen Provenzako sukaldaritza errezeta bilduman.[4]

Erabiltzen diren zenbait belar:

Salmenta[aldatu | aldatu iturburu kodea]

Belar Proventzal izena generikoa denez, eta ez duenez Jatorrizko deiturarik, merkatuan dagoen edozein nahasketa Provenzatik datorren bermerik ez da; hain zuzen ere, horietako gehienak Europa erdialde eta ekialdetik , Iparraldeko Afrikatik, eta Txinatik datoz.[5] Belar proventzalak askotan beste belar batzuek baino poltsa handiagotan saltzen dira, eta prezioz, berriz, Provenzan beste belar batzuek baino askoz ere merkeagoak dira.

Erabilpena[aldatu | aldatu iturburu kodea]

Belar proventzalak parrilan egindako janariari, hala nola, arraina eta haragia, eta baita barazki-menestrari, zaporea emateko erabiltzen dira. Nahasketa elikagaietara gehitu daiteke aurretik edo sukaldatzean zehar edo olioarekin nahasturik sukaldatu aurretik, zaporea sarrarazteko janari egosian. Oso gutxitan gehitzen zaio guztiz sukaldatu ondoren.

Erreferentziak[aldatu | aldatu iturburu kodea]

  1. (Frantsesez) Marseille (dir.), Jacques (2002) Dictionnaire de la Provence et de la Côte d'Azur Éd. Larousse, Paris ISBN 2035751055.
  2. (Ingelesez) Crum, Hannah; LaGory, Alex (2016) The Big Book of Kombucha: Brewing, Flavoring, and Enjoying the Health Benefits of Fermented Tea Storey Publishing ISBN 9781612124339 . Noiz kontsultatua: 2018-04-05.
  3. (Ingelesez) Mélogue, François de (2015-11-01) Cuisine of the Sun: A Ray of Sunshine on Your Plate BookBaby ISBN 9781682225158 . Noiz kontsultatua: 2018-04-05.
  4. (Frantsesez) Reboul, Jean-Baptiste (1910) La cuisinière provençale.
  5. (Frantsesez) Marseille, Jacques, ed. (2002) Dictionnaire de la Provence et de la Côte d'Azur Larousse ISBN 2035751055.

Ikus, gainera[aldatu | aldatu iturburu kodea]