Bellelli Familia
| Bellelli Familia | |
|---|---|
 | |
| Jatorria | |
| Sortzailea(k) | Edgar Degas |
| Sorrera-urtea | 1858 |
| Izenburua | The Bellelli Family eta La Famille Bellelli |
| Ezaugarriak | |
| Materiala(k) | olio-pintura eta Margo-oihala |
| Dimentsioak | 200 ( ) × 253 ( ) cm |
| Genero artistikoa | retrato de familia |
| Egile-eskubideak | jabetza publiko |
| Deskribapena | |
| Kokapena | |
| Lekua | Orsay museoa |
| Bilduma | Orsay museoa |
| Inbentarioa | RF 2210 |
| Historia | |
| Erakusketak | Salon of 1867 (en)  |
Bellelli Familia (frantsesez La Famille Bellelli) 1858an hasita eta 1869an Edgar Degas frantziarrak margotutako olio-pintura bat da. Parisko Orsay museoan dago. Margolanean agertzen den familia "de Gas" familiarekin lotuta zegoen; "de Gas" margolariaren jatorrizko abizena zen.[1] Bellelli familiaren erretratua Edgar Degas margolari frantsesaren lan ikonikoa da. Pintura honetan ia hamar urtez lan egin zuen bere maisulan bihurtzeko.
Historia
[aldatu | aldatu iturburu kodea]Artelanak Laure Degas margolariaren izeba erakusten du, Gennaro Bellelli baroi napolitarrarekin ezkondua, haren familiarekin batera. Laure Degasek beste margolan batean irudikatu zuen, Emakume gazte baten erretratua lanean, alegia.
Margolan handi hau 1858an hasi zuen Edgar Degasek bere heziketa urteetan, margolaria Florentzian bere izeba Laure Bellellirekin egon ondoren. Ezkerrean, izeba honen erretratua ikusiko dugu. Bi neskak haren alabak dira, Giovanna et Giulia, eta eskuinean Gennaro Bellelli dago, Laureren senarra.
Mihisea artistarena izan zen 1913 arte, Durand-Ruel galerian erakutsi zen arte. 1917an hil ondoren, Frantziako gobernuak Luxenburgoko Museoaren bidez erosi zuen 300.000 liberaren truke. Margolana Louvrera eraman zuten 1929an eta 1947an Jeu de Paume museora. 1986tik dago ikusgai Orsayko Museoan.[2]
Deskribapena
[aldatu | aldatu iturburu kodea]Konposizioa oso egituratua da, baina batez ere, familia baten erretratua baino gehiago, bikote baten desadostasun baten adierazpena da, margolariak hainbat astez ikusi zuen desadostasun batena. Desadostasun hori korrespondentzia pribatuaren bidez berresten da. Obra 1867ko Saloian erakutsi zen.[3] Protagonisten begiradas adierazgarriak dira.
Pintura honek XIX. mendeko familia burges bat eta familia gatazka bat irudikatzen ditu. Ia ez dago begirada-trukerik familiako kideen artean: bakoitzak norabide batean begiratzen du. Aitak bakarrik, G. Bellellik, bere alaba zaharrenari begiratzen diola dirudi. Izan ere, pertsonaia bakoitzak bere buru-egoera adierazten du.
Pintura honetan dena hotza da. E. Degasek, pertsonaia bakoitzaren tratamenduaren bidez, bere bakardadea nabarmendu zuen. Laure Bellelliren eskuak alabaren sorbaldan egindako ama-keinu lotsati bat izan ezik, gorputz-adarretako bat ere ez da ukitzen. Bakoitza bere pentsamenduetan murgilduta dago.
Degasek hemen bere obran ohikoa den ikuspegi inpresionista hartu zuen. Eszenaren berehalakotasuna eta atmosfera harrapatzeko argiaren eta kolorearen erabilera trebearekin, gela osoan dauden kolore osagarriak (horia lurrean, moldurak, koadroaren markoa, eta urdina paper pintatuan, aulkien kuxinak eta tximinia) nabarmendu zituen. Halaber, koloreen erabilerak tristura adierazten du.
Pintura honetan, nolabaiteko argazkilaritzaren eragina nabari da eszenaren konposizioan eta enkoadraketan, bai eta irudiak espazioan antolatzean ere.
Erreferentziak
[aldatu | aldatu iturburu kodea]- ↑ «Portrait de famille - Edgar Degas | Musée d'Orsay» www.musee-orsay.fr (kontsulta data: 2025-09-04).
- ↑ «The Bellelli Family, 1860 - 1862 - Edgar Degas - WikiArt.org» www.wikiart.org (kontsulta data: 2025-09-04).
- ↑ Laurence Madeline, 100 chefs-d'œuvre impressionnistes, Editions Scala, 1999, 40.-45.or.
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]- (Frantsesez):Margolanaren fitxa Orsay museoaren webgunean.
- (Ingelesez):Margolana bideo batean.
Datuak: Q2622172
Multimedia: The Bellelli Family (Degas) / Q2622172