Erramun Baxok

Erramun Baxok (Suhuskune, Nafarroa Beherea, 1928 - ) soziolinguista eta hizkuntzalaria da.

Biografia

Familia euskaldunean jaio zen, baina ikasketa guztiak frantsesez egin zituen. Filosofian lizentziatua da, Estrasburgoko unibertsitatean eta filosofian doktorea Montrealgo unibertsitatean. Pedagogia ikasketak ere egin ditu.

Euskal Herritik alde egiten du gazterik, baina hala ere beti izan du Euskal Herriarekiko eta euskararekiko kezka. 1968an Quebec-era joaten da eta hango soziolinguistekin harremanetan sartzen da: William Mackey, Richard Bourhis, ...

1980an Euskal Herrira itzultzen da, Milafranga herrira. Urte hauetan UZEIrekin lan egiten du, baita HABErekin ere. Horrez gain, EHUn eta Deustuko Unibertsitatean ere klaseak ematen ditu.

Gainera, Ipar Euskal Herriko mugimendu euskaltzalean ere hartzen du parte: Euskaltzaleen Biltzarrean, Euskal Kultur Erakundean, ... Ipar Euskal Herrian egin diren inkesta soziolinguistiko gehienetan hartzen du parte. Hego Euskal Herrian, berriz, Soziolinguistika Klusterreko sorreran ere hartzen du parte.

Bibliografia

• "Hizkuntzalaritza hiztegia", UZEI. Hizkuntza geografia artikulua, 1982.
• "Euskaraz bizi", euskara ikasteko ikus-entzunezkom metodoa, 6 liburuki, 6 audio-kasete. 1987-1996.
• "Euskal mintzabideak", A. Duhalde, M. Itzaina eta A. Luberriagarekin batera. 1988
• "Soziolinguistika inkestaren irakaspen batzuk", Bat aldizkaria, 1997.

Kanpoko estekak

• [Erramun Baxok-ren bloga]