Montu

Montu

Montu, eguzki jainkoa eta gerraren jainkoa egiptoar mitologian

Izen egiptoarra: Montu. Izen greziarra: Month. Jainko greziarra: Apolo

Ikonografia

Belatz burudun gizon bezala irudikatua zen, eguzki diskak, bi lumak eta bi uraeusek koroatua. Arkua eta aizkora batekin armatua. Batzuetan, zezen buruarekin, eguzki diskak eta bi lumak koroatua.

Mitologia

Montu antzinako jainko bat zen, Hermontiseko tokiko jainkotzat hartua, Tebasetik hegoaldera aurkitzen den hiria. Belatzarekin lotzen zen, hegazti honen buruarekin irudikatzen zelarik. Hasieran, eguzki jainko bat zen, baina beranduago, Inperio Ertainean, gerraren jainkotzat hartzen zen, eta faraoia gerretan babesten zuena zen.

Sinkretismoa

Ra eguzki jainkoarekin identifikatua izan zen, Montu-Ra bezala, Eguzkiaren beroaren botere suntsitzailea zelarik.

Gurtza

Montu jainkoa eta Sobekemsaf I.aren baxuerliebea Medamuden.

Bere gurtza gune nagusia Hermontis hiria izan zen, zenbait hiritara hedatuz: Tebas (Karnak), Medamud, Tod. Nubian ere gurtua izan zen. Amonek hartu zuen bere lekua XII. dinastian, bere gurtza, hirugarren tarteko aroan berrindartu zelarik. Bere jaia, Ajet urtaroko bigarren hilabeteko bosgarren egunean ospatzen zen.

Izen teoforoak

Jainko honen izena, XI eta XII. dinastiatako faraoiek eraman zuten, Mentuhotep deituak "Montu pozik dago".

Wikimedia Commonsen badira fitxategi gehiago, gai hau dutenak: Montu