Nekao I.a

Nekao (I.a edo II.a) eskaintza posturan erakusten duen estatua.

Menkheperra Nekau edo Nekao I.a (K. a. 672-K. a. 664), Sais egiptoar hiriko gobernaria zen. Egiptoko XXVI. dinastiako tokiko subirano saistarra bezala, Nekaoren erregealdia zortzi urtekoa izan zen, Manetonen arabera.

Nekao, ziur aski, Nekaubaren anaia eta Tefnakht II.aren semea zen. Bere seme Psametiko I.ak Egipto berriz bateratu zuen.

Nekao, nagusiki, dokumentu asiriarrengatik da ezaguna, baina bere erregealdiaren garaikidea zen egiptoar dokumentu batean ere erregistratua dago. Saisen, ofizialki, Asurbanipalek jarri zuen, K. a. 670 inguruan, Asiriaren aliatu bezala, berak, gertaera honen aurretik jada Egipton tokiko subirano bezala gobernatzen zuen arren.

Erregistro historikoen arabera, Nekao, K. a. 664an hil zuen Kusheko armada inbaditzaile batek, Tanutamaniren erregealdian. Nubiarren Niloren deltako inbasioa, berehala kanporatu zuten asiriarrek, hegoalderantz jarraitu zutenak, Goi Egipto konkistatu eta Tebas arpilatzeko.

Nekao I.aren izena, estela batetan grabatua dago, bere erregealdiko bigarren urtean ofrenda bat emanez (Olivier Perduk 2002an argitaratua). Estelak, "Isisen apaiza, Hebyten maitalea, buruzagi handia..., Iuputen semea, Akanosh"ek Per Hebyteko (egungo Behbeit el-Hagar, Sebennitosetik gertu) Osirisen hirukoari egindako lur dohaintza bat erregistratzen du. Estela, estilo, eduki eta epigrafiari dagokionez, Shepsesra Tefnakhten erregealdiko zortzigarren urteko dohaintzaren estelaren oso antzekoa da.

Honek, Shepsesra Tefnakht, Tefnakht II.a zela iradokitzen du, eta, beraz, Piankhiren aurkari izan zen mendebaldeko buruzagi ospetsuarekin inolako zerikusirik ez duena. Shepsesra Tefnakht, Nekaoren aurrekari nahiko berria izango zen, Manetonen epitomean erregistratuta dagoen Stefinates. Perduk, modu sinesgarrian, Nekao I.aren aurrekari izan ziren bi errege saitarrak, hau da, Stefinates eta Nekauba, Manetonen testuaren arabera, XXVI. dinastia edo saitarraren hasierakoak direla azaltzen du.

Bere garaiko testigutzak

• Lur dohaintzen estela (Pgaldua)
• Atzealdean bere izena grabatua duen estatuatxoa, UC14869 (Petrie Museoa)

Aurrekoa Tanutamani

Egiptoko faraoia Egiptoko XXVI. dinastia

Ondorengoa Psametiko I.a