Psikologia

Psikologia (grezierako ψυχή, psyche, "arima" eta λογος, logos, "ezagutza") bizidunen portaerak aztertzen dituen zientzia da.

Gizakien esperientzia guztiak sartzen ditu, burmuineko funtzioetatik haurren garapena arte. Hau da, animalien eta gizakien pentsatzeko eta sentitzeko era, eta nola moldatzen diren euren testuingurura. Psikologia modernoaren helburua esperientziaren azterketa da. Horrela teoria hauek izakien portaera ulertzen laguntzen dute.

Ikerketa gehienak gizakiekin izaten dira, baina askotan animaliak ere ikertzen dira, eta orduan etologiaz ari behar dugu.

Metodologia

Metodologiaren aldetik, bi izan dira ikertzeko aukerak:

1. Zientzia esperimentala bezala ulertutako psikologia: Zientzia positibista bat bezala markatuta dago. Metodo zientifiko kuantitatiboa erabiltzen du, hipotesien kontrasteen bidez.
2. Metodologia kualitatiboa erabiltzen duen psikologia: Honek ikuspuntu zabalagoa du. Prozesuen deskripzioa eta interpretazioa aberasten du.

Psikologiaren adar nagusiak

Gizarte psikologia

Artikulu nagusia: «Gizarte psikologia»

Gizarte psikologia XX. mende hasieratik finkatutako psikologiaren adar garrantzitsua da. Ameriketako Estatu Batuetan garatu izan da nagusiki. Gizarte psikologiaren hastapenak psikologia beraren sorrerarekin loturik doaz, XIX. mendeko bigarren erdialdean. 1879an, horrela, Wilhelm Wundt psikologoak eta Leipzigeko (Alemania) lehen psikologia laborategiak gizarte psikologiara gerturatzen diren lehen lanak burutu zituzten. Gizarte psikologia, diziplina akademiko gisa, Floy Allport estatubatuarrarekin sortu zen. Gizarte psikologia modernoari, halaber, Kurt Lewin alemaniarrak eman zion hasiera.

Psikologia elkarteak

Zientzia Psikologikoaren Nazioarteko Batasunak (IUPS) psiokologia munduari erakusten diona da. Honek kontseilu nazionalak batzen ditu, hau da, lurralde bakoitzeko psikologoen lotura. Psikologoen elkarte nagusienetariko bat Amerikako Psikologoen elkartea (APA) da.

Ikus, gainera

• Gizarte zientziak
• Psikiatria

ak:Saekɔlɔgyi