John Coltrane

John Coltrane (Hamlet, 1926ko irailaren 23a – New York, 1967ko uztailaren 17a), Trane goitizenez ezagutua, estatu batuar saxofoi jole eta jazz konposatzaile bat izan zen. Nahiz eta oso polemikoa izan, jazzeko historian izan den musikorik garrantzitsuenetako eta itzal handienetako bat da, Louis Armstrong, Duke Ellington, Charlie Parker eta Miles Davis moduko artisten mailan. Bere ibilbide musikala, sormen handiz beteta eta beti abangoardiaren barruan, bop osteko jazz estilo nagusiak hartzen ditu: hard bop, free jazz eta jazz modala. Coltranen diskografia aipagarria da: berrogeita hamar disko inguru grabatu zituen hamabi urtetan zehar, eta dozena disko baino gehiagotan agertu zen sideman bezala.

Coltranenen ekarpenik aipagarrienetako bat jazz soloen iraupenari dagokiona da, denbora mugak ezabatuz eta iraupena jolearen beharren menpean utziz.

Kanpo loturak

• (Gaztelaniaz) John Coltranen biografia
• (Gaztelaniaz) Diskografia iruzkinekin
• (Ingelesez) Web orri ofiziala