Zebra-muskuilu

Taxotaula bat irakurtzeko era Zebra-muskuilua
Zebra-muskuilua
Sailkapen zientifikoa
Erreinua: Animalia
Espezieak
Dreissena polymorpha - Zebra-muskuilua

Zebra-muskuilua (Dreissena polymorpha) Europa ekialdean jatorria duen moluskua da. Izena maskorrean dituzten marra txuri-beltzetatik datorkio.

Ibai nabigazioari esker Ipar Amerika zein Europa Erdialde eta Mendebaldeko hainbat ibaitara zabaldu da, espezie inbaditzaile gisa kontsideratzen delarik toki askotan.

Hedapena

Ibai nabigazioari esker hasi ziren hedatzen XIX. mendean, isasontzien kaskoan itsasteko gaitasun handia baitute. Muskuiluen larbak ere oso erraz zabaltzen dira.

Espezie inbaditzailea

Toki askotan izurrite gisa kontsideratzen da zebra-muskuilua, kolonizatutako tokietan arazo larriak gertatzen baitira. Larbek ugaritzeko eta tokiz aldatzeko gaitasun handia dute

Kalteak

• Bibalbio autoktonoen maskorretan itsasten dira, baita karramarroen oskoletan ere, azken hauen heriotza eraginez.
• Hildako muskuilu kantitatea handia ibai hondoetan pilatzen da. Ondorioz bertan arraultzak jartzen duten espezieen ugalketa eragozten dute.
• Ureko fitoplanktona jaten dutenez, bertako muskuiluen elikagaia gutxitu egiten da
• Iragazteko duten gaitasuna handia dela eta, metal astunak pilatzen dituzte, horiek kate trofikoan sartzen direlarik.
• Ibaietako gizakien azpiegitura hidraulikoak ere kaltetzen dituzte: hodiak trabatu, urazpiko materialeak erre,...