Bearnoko Bizkonderria

Biarnoko bizkonderriaren armarria.

Biarnoko bizkonderria (gaskoieraz: vescomtat de Bearn edo vescomtat de Biarn) Erdi Aroan Biarnon garatu zuten aginte sistema izan zen.

Historia

Nahiz eta 843an Verdungo Hitzarmenak Frantziako erresuman kokatu, orduko bere egoera eztabaidatsua da. Bere lehendabiziko legebiltzarra, Cour Major izenekoa, 1080. urtean sortu zuten, hau da Ingalaterrakoa baino 185 urte aurrerago. Biarnok Akitaniako dukerria osatu zuen, Leonor Akitaniakoaren bitartez Ingalaterrako Erresuma mende baten zehar (1242-1347) osatu zuena. 1290ean Biarno Foix konderriaren eskuetan geratu zuten; 1347an ingelesak Akitaniatik joan zirenean, Gaston III.a Febus erregeari Foix konde moduan gorazarre egin bazion ere, ez zuen Biarnoko bizkonderriagatik egin bere burujabetasuna aldarrikatuz. Orduan Paue bizkonderriko hiriburu bilakatu zen. Laster jaraunspenen ondorioz Nafarroako erregeek lortu zuten eskualdea. Hauek Hego Euskal Herriko lurraldeak galdu zutenean Biarno mantendu zuten.

Henrike III.a Nafarroakoa Frantziako errege bilakatu zenean, ez zizkion bere herrialdeak koroari lotu. 1620an berriz, bere heriotzatik hamar urte pasa zirenean, oinordekoak Frantziako koropean batu zituen bai Biarnoko bizkonderria bai Nafarroa Beherea.

Ikus, gainera

• Biarno
• Biarnoko bizkondeen zerrenda

Artikulu hau Frantziako historiari buruzko zirriborroa da. Wikipedia lagun dezakezu edukia osatuz.