Arrasate: berrikuspenen arteko aldeak
t Erreferentzia zerrenda |
→Arrasatear ezagunak: Xabier Letona gehitu |
||
245. lerroa: | 245. lerroa: | ||
* [[Eneko Barberena]] ([[1983]]-) idazlea. |
* [[Eneko Barberena]] ([[1983]]-) idazlea. |
||
* [[Mikel Gonzalez]] ([[1985]]-), [[Real Sociedad|Errealeko]] jokalaria. |
* [[Mikel Gonzalez]] ([[1985]]-), [[Real Sociedad|Errealeko]] jokalaria. |
||
* [[Xabier Letona]] ([[1966]]-), [[Argia_Aldizkaria|Argia]] astekariko zuzendaria da. |
|||
== Biztanleriaren bilakaera == |
== Biztanleriaren bilakaera == |
14:29, 28 urtarrila 2010ko berrikusketa
Arrasate | |||||||||||
---|---|---|---|---|---|---|---|---|---|---|---|
Gipuzkoa, Euskal Herria | |||||||||||
Arrasateko erdialdearen ikuspegia. | |||||||||||
Administrazioa | |||||||||||
Estatua | Espainia | ||||||||||
Erkidegoa | Euskal Autonomia Erkidegoa | ||||||||||
Lurraldea | Gipuzkoa | ||||||||||
Eskualdea | Debagoiena | ||||||||||
Izen ofiziala | Arrasate eta Mondragón | ||||||||||
Alkatea | Ino Galparsoro (EAE-ANV) | ||||||||||
Posta kodea | 20500 | ||||||||||
INE kodea | 20055 | ||||||||||
Herritarra | arrasatear mondragoetar | ||||||||||
Kokapena | |||||||||||
Koordenatuak | 43°03′56″N 2°29′24″W / 43.065555555556°N 2.49°W | ||||||||||
Azalera | 34.20 | ||||||||||
Garaiera | 223 | ||||||||||
Distantzia | 78 km Donostiara | ||||||||||
Demografia | |||||||||||
Biztanleria | 21.867 (2023) 107 (2022) | ||||||||||
| |||||||||||
Dentsitatea | 642,51 bizt/km² | ||||||||||
Hazkundea (2003-2013)[1] | -% 4,48 | ||||||||||
Zahartze tasa[1] | % 17,79 | ||||||||||
Ugalkortasun tasa[1] | ‰ 35,22 | ||||||||||
Ekonomia | |||||||||||
Jarduera tasa[1] | % 79,81 (2011) | ||||||||||
Genero desoreka[1] | % 0,52 (2011) | ||||||||||
Langabezia erregistratua[1] | % 10,82 (2013) | ||||||||||
Euskara | |||||||||||
Euskaldunak[1] | % 51,64 (2010) | ||||||||||
Kaleko erabilera [2] | % 27.4 (2016) | ||||||||||
Etxeko erabilera[3] | % 40.8 (2016) | ||||||||||
Datu gehigarriak | |||||||||||
Sorrera | 1260 | ||||||||||
Webgunea | http://www.arrasate-mondragon.org www.arrasate-mondragon.org | ||||||||||
Hiri senidetuak | Santa Fe |
Arrasate Gipuzkoako hego-mendebaldean dagoen udalerria da, Debagoiena eskualdeko populatuena dena. Bertakoak arrasatearrak edo mondragoetarrak dira. Bergarako barruti judizialaren menpe dago.
Kooperatiben hiriburua da, bertan sortu zirelako euskal enpresa kooperatibo garrantzitsuenak: Euskadiko Kutxa, Eroski, Fagor, Mondragon Unibertsitatea (MU)... guztiak ere Mondragon taldearen partaide izanik. Herriko eta inguruko jende gehienak enpresa hauetan egiten du lan.
Honetaz gain, garrantzi handikoa izan da herrian Union Cerrajera XX. mendean zehar, herritar askoren lantoki zen eta sarrailak egiten zituen enpresa ezaguna. Izan ere, arrasatearrek "sarrailagile" ezizena hartzen dute.
Izenaren inguruan
Udalerriaren izen ofiziala Arrasate edo Mondragon da gaur egun. Urteetan zehar atzera eginez gero, udalerriaren izenak biak direla erakusten du historiak, bai euskaraz eta bai gaztelaniaz. Hala eta guztiz ere, Arrasate hartzen da euskarazko izentzat eta Mondragon gaztelerazkotzat; izan ere, hizkuntza bakoitzean erabilpen horixe egiten da oro har. Euskaraz, gainera, Mondragoe ere erabili ohi da.
Arresate edo Arrasate herrixka kokatuta zegoen lekuan 1260an sortu zuen herria Alfontso X.a Jakitunak. Horrenbestez, sorrerako hiri-gutunean irakur daiteke hurrengo esaldia: por fabor que avemos de fazer bien e merced a todos los pobladores de la puebla que es en Leniz, que avie ante nombre Arressate, a que Nos ponemos nombre Montdragon.
Kondaira batek dioenez, Mondragon izena aspaldian herritarrak beldurtzen zituen Santa Barbara mendiko herensuge baten oinarritzen da. Eskualdeko olagizonek garaitu zuten dragoi hura, eta hala jaso zuen izena herriak. Historialariek diotenez, ordea, izena ez dago kondairan oinarrituta; beren ustez, kondaira horren ondoren asmatutakoa da, izena arrazoitzeko, eta erregearen burutazioa baino ez zen izan.
Arrasate hitzaren etimologia ez dago argi, baina ate eta arras (arratsaldea, iluntzea) berbak barne ditu; horrenbestez, iluntzeko atea edo halako zerbait izan liteke haren esanahia.Beste batzuen ustez, berriz, arresi eta ate hitzen arteko loturatik dator, herriko harresian ziren ate ugarien ondorioz.
Lehen mendeetan hiriaren izen ofizial bakarra Mondragon izan zen, euskal hiztunek Mondrague edo Mondrau deitzen zioten arren.Bestalde, ezaguna zen hiria sortu aurretiko herrixkaren izena Arrasate zena, baina izen hori erabiltzeko ohiturarik ez zegoen.
XX. mendearen bigarren erdian, eta Francisco Francoren heriotza eta demokraziaren itzulerarekin batez ere, euskararen sustapena indartzearekin batera, herrien euskarazko izenen erabilpena handituz joan zen poliki-poliki. Horien artean, Arrasate euskarazko izen ofizial bezala erabiltzea proposatu zuten, Mondragoe ordeztuz. Proposamen honek onarpen maila altua izan zuen, bai herritarren artean eta bai Euskal Herri osoan. Honenbestez, Euskaltzaindiak euskarazko izen ofizialtzat onartu zuen Arrasate. Gaur egun, Arrasate da euskaraz gehien erabiltzen dena, Mondrague edo Mondrau ere erabiltzen den arren.
Euskaltzaindiak bere 140. arauan azaldu bezalaxe, Arrasate da udalerriaren euskarazko izena. 2005. urtean arau hori onartu zen arte, Euskaltzaindiak ontzat ematen zuen Mondragoe izena berak argitaratutako hainbat izendegitan.
Geografia
Arrasate Gipuzkoako Debagoiena eskualdearen mendebaldean kokatuta dago, Araba eta Bizkaiarekin mugan. Udalatx (1.117 m) mendiaren magalean kokatuta dago, haren hegoaldean. Herria mendiz inguratuta dago, aurrekoaz gain Murugain (778 m) eta Kurtzetxiki (532 m) ere inguruan dituelarik. Mendi guzti horien artean, eta beste hainbat udalerrirekin batera Leintz bailara osatzen du.
Euskal Autonomia Erkidegoari erreparatuz, erdi-erdian dagoen herria da Arrasate, hiru lurraldeen lotura puntuan. Gertuen duen euskal hiriburua Gasteiz da, 39 kilometrora, eta ondoren Bilbo (48 km.), Donostia (78 km.) eta Iruñea (109 km.) daude. Herria Deba ibaiak bustitzen du, baina izen bera duen herritik datorren Aramaio ibaia ere Arrasatetik igarotzen da, herrian bertan aurrekoarekin bat egiten duelarik.
Auzoak
Arrasatek herrigunetik kanpo dauden bost auzo ditu:
Horrez gain, herrigunea bera beste hainbat auzotan banatuta dago:
Udalerri mugakideak
Arrasateko udal barrutiak hurrengo udalerriak ditu mugakide:
- Iparraldean: Elorrio (Bizkaia) eta Bergara.
- Ekialdean: Oñati.
- Hegoaldean: Aretxabaleta.
- Mendebaldean: Aramaio (Araba).
Historia laburra
- 1260: Maiatzaren 15ean Alfontso X Jakitunak hiri-gutuna eman zion bertan zegoen Arrasate edo Arresate herrixkari, baita Mondragoe (Mondragon) izen berria ipini ere.
- 1353: Garagartza, Gesalibarko Santa Ageda, Udala eta Uribarri elizateak hiribilduan sartu ziren.
- 1448: Ekainaren 23an hiribilduari su eman zioten, Guraiatarren (oinaztarrak) eta Baineztarren (ganboatarrak) arteko liskarrak zirela eta.
- 1897: Antonio Canovas del Castillo Espainiako lehen ministroa Santa Agedako bainuetxean hil zuen Michele Angiolillo anarkista italiarrak.
- 1950eko hamarkada: Jose Maria Arizmendiarrietak sortutako kooperatibaren mugimenduaren hasiera, Fagor (orduan ULGOR izenez) eta Euskadiko Kutxaren (orduan Lankide Aurrezkia izenez) sorrerarekin batera.
- 1960-1970: Herriko biztanleriak izugarri egin zuen gora, kooperatibismoaren mugimenduak bultzatuta.
- 1966: Bedoñako auzoa Arrasateko udalerriaren parte izatera pasatu zen.
Ekonomia
Arrasate Gipuzkoako gune industrial nagusia da, eta baita Euskal Herriko nagusienetakoa ere. Euskal kooperatibismoaren erdigunea da, XX. mendearen bigarren erdialdean kooperatiba ugari sortu zuen mugimenduari esker. Kooperatiba horietako gehienak Mondragon Corporacion Cooperativa taldearen barnean daude eta askok eta askok egoitza nagusia Arrasaten dute.
Arrasaten 12.000 lanpostu inguru daude; horri esker, herriko biztanleek ez ezik, inguruko herri eta eskualdeko pertsona askok bertan lan egiten dute.
- Lehen sektorea: gaur egun oso txikia da Arrasaten lehen sektorean lanean dabilen jendearen portzentajea; herri aktiboaren %0,5 baino ez, 50 pertsona. 200 baserritik gora daude, baina bertako bizilagun gehienek beste lanbide bat dute nekazaritzaz gain.
- Bigarren sektorea: herriaren sektore nagusia da, aberastasunaren %62 eta lanaren %58 hartzen baitu. Esparru horretan garrantzi handienekoa metalurgia-industria da, sektore horren %79 hartzen duena. Fagor Elektrotresnak, Fagor Ederlan, Fagor Arrasate, Fagor Automation, Fagor Elektronika eta Alecop dira enpresa nagusiak metalurgiari dagokionez, horiek herriko lanpostuen %50 osatzen baitute.
- Hirugarren sektorea: aberastasunaren %37,5 eta lanaren %41 hartzen du. Euskadiko Kutxa, Lagun Aro eta Mondragon Unibertsitatea dira sektore horretan dauden enpresa nagusiak.
Administrazioa
2007 | Ino Galparsoro (EAE-ANV) |
2003 | Ignazio Lakuntza Anton (EAJ-EA) |
1999 | Xabier Zubizarreta Lasagabaster (EH) |
1997 | Jose Maria Loiti Agirre (EAJ)* |
1995 | Xabier Zubizarreta Lasagabaster (HB) |
1991 | Xabier Zubizarreta Lasagabaster (HB) |
1987 | Xabier Zubizarreta Lasagabaster (HB) |
1983 | Alvaro Arregi Otadui (EAJ) |
1979 | Jose Antonio Ardanza Garro (EAJ) |
(*) Xabier Zubizarretaren aurkako zentsura-mozioa zela-eta.
2007ko udal hauteskundeak
2007ko maiatzaren 25ean udal hauteskundeak izan ziren. Egun hartan, 18.811 hautesle zeuden Arrasaten (%100), baina 7.520 abstenitu egin ziren (%39,46). Alderdien botoak horrela banatu ziren[4]:
alderdia | botoak | % | zinegotziak |
---|---|---|---|
EAE-ANV | 3.333 | 29,74 | 7 |
PSE-EE | 2.076 | 18,52 | 4 |
EAJ | 1.882 | 16,79 | 4 |
EB-Zutik | 1.452 | 12,95 | 3 |
EA | 930 | 8,30 | 1 |
PP | 788 | 7,03 | 1 |
Aralar | 623 | 5,56 | 1 |
Zuriak | 125 | 1,12 | |
Baliogabekoak | 82 | 0,73 | |
Abstentzioa | 7.520 | 39,46 |
Senidetutako herriak
Festa eta ospakizunak
- Ekainaren 24a, Sanjuanak: herriko jai nagusiak dira Sanjuanak eta ekainaren 23tik 26ra bitartean ospatzen dira.
- Urriko lehen ostirala, Maritxu Kajoi: 1977. urteaz geroztik ospatzen den jaia da, txikiteroen jaia, alegia. Egun honetan dotore jantzita irteteko ohitura dago.
- Abenduaren 6an San Nikolas eguna ospatzen da. Goizean zehar haurrak kalez kale ibiltzen dira herrian zehar San Nikolas kantua abesten. Etxeetatik Bolo-Boloa botatzen zaie: gaztainak, intxaurrak, gozokiak, litxarreria, txanponak... Eguerdian udaletxeko balkoian boloa egiten dute.
- Abenduaren 22a, Santamasak: San Tomas feria ospatzen da egun honetan, baserriko produktuen salmenta eta erakusketa, artisautza lehiaketak eta erakusketak, herri kirolak eta beste zenbait ekintza nagusi direlarik.
- Auzoetako jaiak:
- Urtarrilaren 29a, Meatzerrekako San Balerio.
- Otsailaren 5a, Gesalibarren Santa Ageda.
- Maiatzaren 1a, San Andres.
- Maiatzaren 15a, Musakolan San Isidro.
- Uztailaren 18a, Santa Marina auzoan Santa Marina.
- Uztailaren 22a, Maalako Errebalan Maria Magdalena.
- Uztailaren 26a, Ferrerias kalean Santa Ana.
- Abuztuaren 3a, Udalan San Esteban.
- Abuztuaren 24a, Uribarrin San Bartolome.
- Irailaren 29a, Garagartzan San Migel.
- Abenduaren 10a, Bedoñan Santa Eulalia.
Ikustekoak
Eraikin nagusiak
Arrasate osatzen duten eraikinen artean, hurrengo hauek nabarmendu genitzake, duten garrantzia eta historiagatik:
- San Joan Bataiatzailearen parrokia
- Udaletxea
- Andikano-Loiola jauregia
- San Frantzisko komentua
- Monterron jauregia
- Bañez de Artazubiaga jauregia
- Okendo jauregia
- Aita Menni Ospitalea
- Union Cerrajerako sarrera eraikina
Parkeak
Arrasatear ezagunak
- Esteban Garibai (1533-1599), historiagile eta idazlea.
- Pedro Biteri eta Arana (1833-1908), filantropo ospetsua.
- Sebero Altube (1879-1963), musikari, filologo, filosofo eta idazlea.
- Iokin Zaitegi (1906-1979), idazlea.
- Juan Arana "Loramendi" (1907-1933), olerkaria.
- Jose Maria Arizmendiarrieta (1915-1976), apaiza eta Mondragon Corporacion Cooperativa kooperatibaren sortzailea (Markinan jaioa).
- Juan Arzamendi Emparanza (1927-2004), musikaria.
- Inaxio Kortabarria (1950-), Errealeko jokalaria 1970eko eta 1980ko hamarkadetan.
- Joxe Aranzabal (1952-), kazetari, irakasle eta blogari ezaguna.
- Luis Maria Lopez Rekarte (1962-), Errealeko jokalaria 1980ko eta 1990eko hamarkadetan.
- Isaias Carrasco (1966-), PSE-EEko zinegotzi ohia, ETAk hila.
- RIP musika taldeko partaideak.
- Jorge Fernandez (1972-), saskibaloi jokalaria, modeloa eta aurkezlea.
- Aitor Lopez Rekarte (1975-), Errealeko jokalaria 1990eko eta 2000ko hamarkadetan.
- Eneko Barberena (1983-) idazlea.
- Mikel Gonzalez (1985-), Errealeko jokalaria.
- Xabier Letona (1966-), Argia astekariko zuzendaria da.
Biztanleriaren bilakaera
Zerbitzuak
Osasun-zerbitzu publikoei dagokienez, Debagoieneko Ospitaleak eskaintzen du eskualde osorako arreta medikoa. Arrasaten kokatuta dago.
Gesalibarko (Santa Ageda) auzoan, berriz, Arrasateko Ospitale Psikiatrikoa dugu (Aita Mennikoa), buruko gaixotasun kronikoak dituzten pertsonendako antolatua.
Kirolak
Erreferentziak
- ↑ a b c d e f g Euskal Herriari Begira. Udalbiltza.
- ↑ «Kaleko erabilera herrialdez herrialde» Euskararen erabilera (Wikipedia).
- ↑ «Etxeko erabilera» Euskararen erabilera (Wikipedia).
- ↑ Arrasateko Udala - 2007ko Udal Hauteskundeak
Kanpo loturak
Wikimedia Commonsen badira fitxategi gehiago, gai hau dutenak: Arrasate |
- (Gaztelaniaz) Arrasateko Udalaren webgunea
- (Gaztelaniaz) Herriko argazkiak FLICKR-en
- Arrasateko Euskalgintza
- Goiena.net atarian Arrasateko albisteak
- Mondraberri, Arrasateko Ataria
- (Gaztelaniaz) Herriko datu orokorrak
Arrasateko auzoak | ||
---|---|---|
Bedoña • Erdialdea • Garagartza • Gesalibar • Meatzerreka • Musakola • San Andres • Santa Marina • Udala • Uribarri |