Parisko 7. barrutia

7. barrutia gorriz adierazita dagoen Parisko mapa

Parisko 7. barrutia (frantsesez 7^e arrondissement de Paris) Paris banatuta dagoen hogei barrutietako bat da. Sena ibaiaren ezkerraldeko ibarrean kokatua, Frantziako instituzio nazional mordoa dago bertan. Horien artean, Frantziako Biltzar Nazionala eta frantziar ministerio mordoa.

Lehen mailako turismogunea ere bada, bertan, Eiffel Dorrea eta Hôtel des Invalides hotela aurkitzen direlarik. Azken hau, Napoleon lurperatuta dagoen tokia da.

Geografia

Parisko barruti honen hedadura 4,088 km²koa da

Administrazioa

Barruti hau, lau auzotan banatua dago:

• Saint-Thomas-d'Aquin auzoa
• Les Invalides auzoa
• L'Ecole-Militaire auzoa
• Gros-Cailloud auzoa

Bertako egungo alkatea, Rachida Dati da, 2008an aukeratua izan zena sei urterako.

Demografia

7. barrutiaren biztanleria gehiena 1926an lortu zen, 110684 biztanle izatera iritsi zenean. Frantziar Gobernuaren administraritza eraikin mordoa bertan dagoenez, barruti hau ez da beste batzuk bezain trinko populatua egon. 1999an, biztanleria 56.985 pertsonakoa zen, bertan lan egiten zuten pertsonak 76.212 ziren bitartean.

Mapa

Toki interesgarriak

• Eiffel Dorrea
• Hôtel des Invalides
• Frantziako Biltzar Nazionala
• Matignon Hotela
• UNESCOren egoitza
• Orsay museoa
• Quai Branly museoa
• Rodin museoa
• Concorde zubia
• Pont Royal
• Leopold Sedar Senghor pasarela

Ikus, gainera

• Parisko barrutiak