Positibismo

Positibismoa pentsamendu filosofikoa eta epistemologikoa da, benetako ezagutza zentzumenen esperientzian oinarritu behar dela dioena.

Ikuspuntu hori mendebaldeko filosofian behin eta berriro agertu arren, XIX. mendean garatu zen posibismoaren kontzeptua, batik bat Auguste Comte filosofo eta soziologiaren sortzailearen lanagatik. Ilustrazioko pentsalarien zientzia-filosofia oinarri, Comtek ikusi zuen metodo zientifikoak metafisika ordeztu zuela pentsamenduaren historian, eta erreparatu zuen zientzian teoria eta behaketa elkarren artean daudela erlazionatuta.

Positibismoa zientismoarekin lotu izan da, hau da, zientzia naturalen metodoak ikerkuntza arlo guztietan, dela filosofian, dela gizarte zientzietan, dela bestelakoan, erabiltzen ahal direla dioen pentsamenduarekin. Hala ere, natura zein gizarte zientzialari frankok onartzen dute behatzaileak berak eta pentsamenduaren egituraren mugak desitxuratzen dutela behaketa.

Ikus, gainera

• Funtzionalismoa
• Enpirismoa