Balutxistan (Pakistan)

Balutxistango probintzia (baita ere Balotxistan) Pakistango probintzia bat da. Belutxistan, gainera, zabalagoa den eskualde bateko partea da, Iran eta Afganistanen ere izen bereko eskualdeak baitaude. Honekin duen mugaz gain iparraldean Federalki Administratuko Area Tribalak eta ekialdean Punjab eta Sindh probintziak ditu mugakide. Hegoaldean Arabiar Itsasoa dago.

Pakistango lau probintzietatik handiena da, 347.190 km²ekin, baina biztanleria txikiena du, 6,3 milioi zituelarik 1994an. Hegoaldeko aldeak Mekran izena du eta erdialdekoak Kalat. Hiriburua Quetta da, Afganistango mugatik gertu eta Kandaharrekin lotura duen errepidea du.

Balutxistanen aurkitu dira Asiako hegoaldeko lehenengo nekazal guneak, horietatik lehena Mehrgarh (K. a. 6500 urtekoa). 1950an Omanek Balutxistango hainbat eskualde konkistatu zituen. Gaur egun txinatarren laguntzarekin Gwadarren portu bat egiten ari da, Karachiren garrantzia kendu asmoz.

1950ean Omanek Balutxistango lurralde batzuk bereganatu zituen, nahiz eta berehala Pakistanen esku utzi zituen. 1970etik aurrera Balutxistango mugimendu nazionalistak indarra hartu zuen, National Awami Party alderdia buru izanik.

Ikus, gainera

• Pakistanen banaketa administratiboa
• Balutxistan