Iratzarri

Iratzarri Aralar alderdi politikoko gazteek osatzen duten gazte erakunde independentista eta sozialista da. 2004ko azaroan sortu zen EHUren Donostiako kanpuseko Barriola eraikinean Aralarrek ospatu zuen II. Kongresuaren baitan eta hiri horretan bertan, 2008ko urrian ospatu zuen bere lehen Kongresua.

Iratzarrik bere lan-eremua Hego Euskal Herrira mugatzen du, Aralarren ildo berari eutsiz, bere ustez badelako alderdi bat Ipar Euskal Herrian bere ideiak defendatzen dituena: Abertzaleen Batasuna.

Iratzarrik aldizkari bat ateratzen du 3 hilabetero, "ekintzaile aldizkaria"

Egitura

Iratzarri Aralarri loturiko gazte esparruko erakundea da. Alderdiaren estatutuen arabera, «gaztedia belaunaldi kolektibo gisa Aralarren Iratzarriren bitartez ordezkatua eta antolatua dago». Alderdiaren komite exekutibo ezberdinetan, bai nazio mailakoetan bai herrialde mailakoetan, ordezkari bana dauka. Bere izate autonomoa dela eta, Aralarrekiko afiliazioa ez da kolektiboaren kide, Iratzarkide, izateko betekizuna.

Iratzarri asanblearismoaren printzipioen arabera antolatua dago, eta horregatik ez du ordezkaritzako organorik. Herrialdeetako lau asanblada daude, Araba, Bizkaia, Gipuzkoa eta Nafarroan. Badaude zenbaitzu asanblada lokal ere.

Erakundearen erabakitze esparrua "Hegoaldeko Koordinakundea" da, erakundeak bere jarduera garatzen duen lau herrialdeetako hiruburuetan txandaka hilean behin batzen dena. Hegoaldeko Koordinakundean partehartzea Iratzarriren edozein militanteri edo Aralarren 30 urterarteko afiliatu guztiei irekita dago.

2007an, koordinakundeak dokumentu politikoa eta egiturazkoa onartu zituen, azken hau urte horretako azaroan Gasteizen burututako Iratzarriren I Jardunaldi Nazionaletan hedatu zelarik. Iratzarriren I Kongresu Nazionala, 2008ko urrian, Donostian burutu zen. Bertan egitura sendotu eta ideologia finkatu ziren. Fabio Gonzalez aukeratu zuten Koordinatzaile Orokor bezala.

Parte Hartzea

Iratzarrik hainbat gizarte foro eta elkarte pluraletan parte hartzen du, hala nola, Ibaetako foroan, Prekarietatearen aurkako asanbladan, G8aren eta kapitalismoaren aurkako taldetan, AHTaren aurkako eta tran sozialaren aldeko plataformetan, [[euskara]ren aldekoetan eta gay, lesbiana eta transexualen eskubideen aldeko plataformetan. Horretaz gain, 'Gazteok Bai' Nafarroa Bai hauteskunde-koalizioko gazterietan edo Euskadiko Gazte Kontsiluan eta Euskal Herriko gazte kontseiluan.

Harremanak

Gazte independentismoaren esparruko hainbat alderdi eta erakunderekin harremanak ditu Iratzarrik, besteren artean Chobenalla, Isca, IpC edota fai!. Halaber, kontaktuak ditu Europan eta Hego Amerikan zeharreko talde independentistekin, batez ere PSUVren gazte erreferentearekin.

Kanpo loturak

• Iratzarri.org web ofiziala